რუსეთის თავდაცვის სამინისტროს ინფორმაციით, 4 იანვრის ღამით რუსეთის საჰაერო თავდაცვის სისტემამ 16 უკრაინული დრონი გაანადგურა — 10 დრონი ჩამოაგდეს ბრიანსკის ოლქში, 3 სმოლენსკის ოლქში, ხოლო თითო უპილოტო საფრენი აპარატი გაანადგურეს ბელგოროდის, პსკოვისა და ლენინგრადის ოლქებში.

პეტერბურგის აეროპორტში 4 იანვრის ღამის განმავლობაში ფრენები ორჯერ შეიზღუდა — შეზღუდვები დილამდე მოქმედებდა.

ლენინგრადის ოლქის გუბერნატორის, ალექსანდრე დროზდენკოს თქმით, ერთი დრონი ფინეთის ყურეში ჩამოაგდეს. გავრცელებული ინფორმაციით, თავდასხმის შედეგად არავინ დაშავებულა.

ამავე ღამით უპილოტო საფრენი აპარატებით თავდასხმა განახორციელა რუსეთმაც. აგრესორის არმიამ, დაახლოებით, 81 უპილოტო საფრენი აპარატი გაუშვა. უკრაინის საჰაერო თავდაცვამ 34 დრონის ჩამოგდება შეძლო. თავდასხმის სამიზნე პოლტავის, სუმის, ხარკოვის, კიევის, ჩერნიგოვის, ჩერკასკის, კიროვოგრადის, დნეპროპეტროვსკის, ოდესისა და ნიკოლაევის ოლქები იყო.