ბიძინა ივანიშვილი და ეკატერინა ხვედელიძე-ივანიშვილი საქართველოს კათოლიკოს-პატრიარქს, ილია მეორეს დაბადების დღეს ულოცავენ.

"ქართული საზოგადოების სულიერი სიმტკიცის შენარჩუნებისა და განმტკიცების საქმეში მისი უწმინდესობის ღვაწლი განუზომელია. ფასდაუდებელია მისი შრომა და თავდადება — აღსაყდრებიდან 47-ე წელია, რაც ჩვენი პატრიარქი ქართველი ერის ერთობის, თვითმყოფადობისა და ღირებულებების სადარაჯოზე დგას.
ჩვენი სამშობლო, სხვა ბევრ მახასიათებელთან ერთად, იმითაცაა გამორჩეული, რომ სულიერ წინამძღოლად სწორედ ადამიანთა სიყვარულის, სიბრძნის, თავმდაბლობისა და მაღალზნეობრიობის ცოცხალი მაგალითი — ილია მეორე ჰყავს.
დიდი პატივისცემითა და სიყვარულით ვულოცავთ მის უწმინდესობას დაბადების დღეს. ვუსურვებთ მას ჯანმრთელობას, დღეგრძელობასა და საქართველოს მართლმადიდებლური სამოციქულო ეკლესიის მესაჭედ მრავალი წელი ყოფნას, მისი სულიერი შვილების საიმედოდ, საქართველოსა და ქართველი ხალხის საკეთილდღეოდ" — წერია ბიძინა და ეკატერინა ივანიშვილების მილოცვაში, რომელსაც ქართული ოცნების პრესსამსახური ავრცელებს.

ილია II-ს დაბადების დღეს ულოცავს "ოცნების" პრემიერმინისტრი ირაკლი კობახიძეც.

დღეს, 4 იანვარს, ილია მეორე 92 წლის გახდა.