იტალიის პრემიერმინისტრი ჯორჯა მელონი აშშ-ს მოულოდნელად ესტუმრა და ფლორიდაში დონალდ ტრამპს შეხვდა.

ექსპერტების მოლოდინების თანახმად, ტრამპსა და მელონის უნდა ესაუბრათ უკრაინისა და ახლო აღმოსავლეთის თემებზე, ასევე აშშ-ის მიერ მოსალოდნელ ტარიფებზე ევროპული კომპანიებისთვის. პირველ რიგში, ჯორჯა მელონი ცდილობს, რაც შეიძლება მალე გათავისუფლდეს იტალიელი ჟურნალისტი, რომელიც ირანში დააკავეს.

სესილია სალა თეირანში მას შემდეგ დააკავეს, რაც იტალიის პოლიციამ აშშ-ის მიერ ძებნილი ირანელი მოჰამად აბედინი-ნაჯაფაბადი დააკავა. თუ აშშ გადაწყვეტს, აღარ მოითხოვოს ირანელის ექსტრადაცია, სავარაუდოდ, თეირანიც წავა დათმობაზე, რაც იტალიაში მელონისთვის დიდი გამარჯვება იქნება.

მედიის ცნობით, იტალიისა და აშშ-ის ლიდერების შეხვედრა 90 წუთის განმავლობაში გრძელდებოდა.

"ეს ძალიან ამაღელვებელია. მე აქ შესანიშნავ ქალთან, იტალიის პრემიერმინისტრთან ერთად ვარ. მან ევროპა მართლაც შტურმით აიღო", — განაცხადა დონალდ ტრამპმა.