ეუთოს საპარლამენტო ასამბლეის პრეზიდენტის დაგეგმილ ვიზიტს საქართველოში "გახარია – საქართველოსთვის" ერთ-ერთი ლიდერი, გიორგი გახარია სოციალურ პლატფორმა X-ზე გამოეხმაურა.

"ვაფასებთ ეუთოს საპარლამენტო ასამბლეის ჩართულობასმ თუმცა პია კაუმას თბილისში ვიზიტის დრო ძალიან შემაშფოთებელია.

საქართველოში არსებული მძიმე პოლიტიკური კრიზისის ფონზე ივანიშვილის რეჟიმთან ნებისმიერი ჩართულობა მისი რეპრესიული მმართველობის ლეგიტიმაციის რისკს აჩენს. დაუყოვნებლივი და უპირობო გათავისუფლება სასტიკად ნაცემი პოლიტიკური პატიმრებისა არის რეჟიმთან ნებისმიერი ჩართულობის უპირობო წინაპირობა.

მეტიც, ერთადერთი მისაღები ფოკუსი ნებისმიერი დიალოგისა უნდა იყოს დაუყოვნებლივი ორგანიზება ახალი, თავისუფალი და სამართლიანი არჩევნებისა", – წერს გახარია.

მოგვიანებით, გიორგი გახარიამ ეუთოს ასამბლეის პრეზიდენტისთვის გაგზავნილი ღია წერილიც გაასაჯაროვა. გახარია პია კაუმას გადაწყვეტილების გადახედვისკენ და დაგეგმილი ვიზიტის გადადებისკენ მოუწოდებს.