დღეს, 31 მაისს პოლიციის დღისადმი მიძღვნილი ღონისძიების გამართვა 320 ათასი ლარი დაჯდა. საქართველოს შინაგან საქმეთა სამინისტრომ ამ თანხით მომსახურება პირდაპირი წესით, ტენდერების გარეშე შეისყიდა. პირდაპირი შესყიდვისთვის ამ მოცულობის თანხის დახარჯვის თანხმობა შესყიდვების სააგენტომ გასცა.

"ამასთან, ანალოგიური მასშტაბის და შინაარსის ღონისძიების ჩატარება (ვიზუალური და მუსიკალური გაფორმება), მეტწილად უკავშირდება საქართველოს შინაგან საქმეთა სამინისტროს, როგორც ქვეყანაში ერთ-ერთი უმნიშვნელოვანესი ინსტიტუციის იმიჯს," - ასე ხსნის უწყება ღონისძიების მნიშვნელობას.

შსს-ში აღნიშნავენ, რომ პოლიციის დღისადმი მიძღვნილი ღონისძიების თარიღი დაგეგმილი იყო, თუმცა მაისის თვეში სახელმწიფო მოღვაწეების მონაწილეობით საზღვარგარეთ დაგეგმილი ვიზიტების გამო, ღონისძიების თარიღი მოგვიანებით განისაზღვრა. უწყების განმარტებით, ეს გარემოება სატენდერო პროცედურების საშუალებით შესყიდვების ხელისშემშლელი ფაქტორია.

დღეს, 31 მაისს საქართველოში პოლიციის დღე აღინიშნა.