მსახიობმა იზაბელ იუპერმა ცოტა ხნის წინ ფრანგული თეატრის უმაღლესი პრემია მოლიერი მიიღო.

სიტყვით გამოსვლის დროს კი ვლადიმერ პუტინი და მისი პოლიტიკა გააკრიტიკა. მსახიობმა რუსეთის პრეზიდენტს მოუწოდა თავი დაანებოს რუსი რეჟისორების დევნას და ამის მაგივრად მათ შემოქმედებას გაეცნოს.

"ძალიან ბედნიერი ვარ ამ ჯილდოს მიღების გამო და მიხარია, რომ ახლა საშუალება მაქვს ხმამაღლა დავუჭირო მხარი ადამიანს, რომელზეც ძალიან ვღელავ - კირილ სერებრიანიკოვს. ბატონო პუტინო, თავი დაანებეთ კირილს. გირჩევთ, რომ მის სპექტაკლს დაესწროთ", - თქვა სიტყვით გამოსვლის დროს იუპერმა.

შეგახსენებთ, რომ 23 მაისს, გამომძიებლებმა სერებრიანიკოვის ბინასა და მოსკოვის ერთ-ერთ თეატრში, რომელსაც კირილ ის ხელმძღვანელობს, ჩხრეკა ჩაატარეს.

გამოძიება თაღლითობის მუხლით მიმდინარეობს, როგორც ცნობილია სამართალდამცავები მას $3.5 მილიონის მითვისებას აბრალებენ.