უკრაინა აგრძელებს ბელარუსის ტერიტორიაზე რუსულ-ბელარუსული ჯარების ჯგუფის ფორმირებაზე დაკვირვებას.

რატომ არის მნიშვნელოვანი: დაზვერვის ინფორმაციით, ბრესტის რეგიონში, სადაც რუსეთის არმიის ქვედანაყოფები არიან განლაგებული, სოციალურ სფეროზე ხელმისაწვდომობა იზღუდება.

  • კარვების ბანაკებში არსებული ცუდი პირობების გამო ადგილობრივი საავადმყოფოები გადატვირთულია დაჭრილი და ავადმყოფი რუსი სამხედროებით.
  • შედეგად, ექიმები იძულებულნი არიან უარი თქვან ბელარუსის მოქალაქეებზე მომსახურებაზე.

გარდა ამისა: გენერალური შტაბის ცნობით, 12 ნოემბერს მობილიზებული რუსების მორიგი ჯგუფი ჩავიდა ზაპოროჟიეს ოლქის ოკუპირებულ მელიტოპოლში.

  • ქალაქში ჩასვლისთანავე, მობილიზებულებმა დაიწყეს დიდი რაოდენობით ალკოჰოლის, საკვები პროდუქტის და სამოქალაქო ტანსაცმლის შეძენა.

ცნობები ფრონტიდან: უკრაინის გენშტაბის ინფორმაციით, გასული დღის განმავლობაში რუსეთის არმიამ სცადა უკრაინის პოზიციებზე თავდასხმა ლუგანსკისა და დონეცკის რეგიონებში, რაც წარუმატებლად დასრულდა.

  • უკრაინა აგრძელებს ხერსონის ოლქის დეოკუპაციას.
  • რუსეთის ჯარი თავდაცვით პოზიციებს დნეპრის მარცხენა სანაპიროზე ამყარებს.
  • რუსებმა საჰაერო და სარაკეტო დარტყმები განახორციელეს ზაპოროჟიეს, ჩერკასის, ხარკოვისა და დონეცკის ოლქების 20-ზე მეტ დასახლებულ პუნქტზე.