ამის შესახებ პარტია გირჩის ერთ-ერთმა ლიდერმა, იაგო ხვიჩიამ პარლამენტის პლენარულ სხდომაზე ისაუბრა.

რატომ არის მნიშვნელოვანი: ხვიჩია საკუთარმა პარტიამ უკვე წარადგინა სახალხო დამცველის კანდიდატად.

  • სამუშაო ჯგუფმა ომბუდსმენობის კანდიდატთა შეფასება 13 ოქტომბერს დაასრულა — ჯგუფის წევრების შეფასების მიხედვით, ხვიჩიამ 62 ქულა მოაგროვა.

დეტალები: ხვიჩიას აზრით, ქურდული სამყაროს შესახებ კანონმა ადამიანთა "რწმენის თავისუფლება შეზღუდა".

  • "იმის გამო, რომ ის რაღაც რწმენას აღიარებს, რაღაცის სჯერა, ქართული კანონმდებლობით გამოვაცხადეთ კრიმინალებად";
  • დეპუტატი აცხადებს, რომ ადამიანები უნდა ისჯებოდნენ დანაშაულისთვის და არა "რწმენისთვის", რომლისაც სჯერა;
  • ასევე, ამტკიცებს რომ არ იცნობს არც ერთ ე.წ. კანონიერ ქურდს — "არავის ცნობა არ მჭირდება იმისთვის, რომ უსამართლობა დავაფიქსირო".

გარდა ამისა, მან პარლამენტს მოუწოდა, რომ მხარი დაუჭირონ მის არჩევას სახალხო დამცველად.