საავტომობილო გზების დეპარტამენტის ინფორმაციით, 22 მაისიდან დასავლეთით, ქუთაისი-სამტრედიის მიმართულებაზე მოძრავი ავტოტრანსპორტი, იმოძრავებს ძველი თბილისი-სენაკი-ლესელიძის საავტომობილო გზის გამოყენებით, ქუთაისის გავლით.

აღმოსავლეთის მიმართულებით სამტრედია-ქუთაისის მიმართულებაზე, მოძრაობა განხორციელდება ცალმხრივად.

საავტომობილო გზების დეპარტამენტის ცნობით, რეჟიმი გამოწვეულია თბილისი-სენაკი-ლესლიძის საავტომობილო გზის ქუთაისის შემოსავლელი-სამტრედიის მონაკვეთზე სამუშაოების ჩატარებით, მათ შორის, გარე განათების ქსელის მოწყობით, ხმაურიანი ზოლების და დამატებითი საგზაო ნიშნების მოწყობითა და ვიდეო-სამეთვალყურეო სისტემის მოწყობით.