საქმე წამყვან გია გაჩეჩილაძის მიერ 13 ივლისს ტელეკომპანია მაესტროსა და იმედის ეთერში გავრცელებულ ფარული ჩანაწერს ეხება, რომელიც, მისი თქმით, ტელეკომპანია მთავარი არხის გუნდის სამუშაო პროცესს ასახავს.

რატომ არის მნიშვნელოვანი: ეს ჟურნალისტებზე მიყურადების პირველი შემთხვევა არ არის.

  • 13 სექტემბერს ერთ-ერთი ღია წყაროზე აიტვირთა სასულიერო პირებთან, ჟურნალისტებთან აქტივისტებთან, დიპლომატებთან და სხვა პირებთან დაკავშირებით მასალები, რომელმაც სავარაუდოდ, სახელმწიფო უსაფრთხოების სამსახურიდან გაჟონა.

დეტალები: სპეციალური საგამოძიებო სამსახურის განცხადებით, გამოძიება კერძო საიდუმლოების დარღვევის ფაქტზე სისხლის სამართლის კოდექსის 158-ე მუხლის პირველი ნაწილით დაიწყეს.

  • "გამოძიების დაწყებას საფუძვლად დაედო მედიასაშუალებით გავრცელებული ინფორმაცია, ტელეკომპანია მთავარი არხის თანამშრომელთა შორის გამართული კერძო საუბრის შესაძლო უნებართვო მიყურადებისა და ჩაწერის ფაქტთან დაკავშირებით".
  • "სპეციალური საგამოძიებო სამსახური ყველა საჭირო საპროცესო და საგამოძიებო მოქმედებას შემჭიდროებულ ვადებში ჩაატარებს".