ამჯერად, ამის შესახებ უკრაინის უმაღლესი რადას ფრაქცია ხალხის მსახურის თავმჯდომარემ ისაუბრა.

რატომ არის მნიშვნელოვანი: სანქციებზე ბრალდებები საქართველოსა და უკრაინის მთავრობებს შორის უთანხმოების საფუძველი გახდა.

  • უკრაინის დაზვერვამ მაისში განაცხადა, რომ რუსეთი საქართველოსთან, სომხეთთან და აზერბაიჯანთან რუსული პროდუქციის საერთაშორისო ბაზრებზე რეექსპორტისთვის მოლაპარაკებებს აწარმოებს.
  • ქართული ოცნება ინფორმაციას უარყოფდა და უკრაინისგან დამამტკიცებელ ფაქტებს ითხოვდა.

რას ამბობს არახამია: მისი თქმით, რუსეთის მოქალაქეები და კომპანიები თავის ასარიდებლად ქართულ სუბიექტებს — კომპანიებს, ბანკებსა და ფინანსურ სისტემებს იყენებენ.

  • "თუ ხარ სანქცირებული რუსი, შედიხარ ინტერნეტში, ხსნი ქართულ კომპანიას, დისტანციურად ხსნი საბანკო ანგარიშს და იწყებ დამუშავებას", — ციტირებს მას DW.

პასუხად, მმართველ პარტიის წევრმა, ირაკლი ქადაგიშვილმა განცხადებას საქართველოს დასაზიანებლად "მიზანმიმართული" და "შურისძიებითი" ქმედება უწოდა.

  • "ეს უკვე ნამეტანია, ნამეტანი მოსდის ამ ადამიანს", — ასე ეხმაურება ქართული ოცნების კიდევ ერთი დეპუტატი, დავით სერგეენკო არახამიას.

ეროვნული ბანკში კატეგორიულად გამორიცხავენ, რომ სანქცირებულმა პირმა საქართველოს საბანკო სექტორის გამოყენებით, ფინანსური რამე სახის ოპერაციის განხორციელება შეძლოს.

  • მათი თქმით, მჭიდროდ თანამშრომლობენ საერთაშორისო ინსტიტუტებთან, რის შედეგადაც ბანკებს მუდმივად მიეწოდებათ განახლებული მონაცემები სანქცირებული პირების და ორგანიზაციების შესახებ.
  • "ასეთის აღმოჩენის შემთხვევაში, ეროვნული ბანკი უმკაცრეს რეაგირებას მოახდენს".