საფრანგეთის სააპელაციო სასამართლომ ძალაში დატოვა განაჩენი ულტრამემარჯვენე ლიდერის, მარინ ლე პენის წინააღმდეგ, რომელიც ევროკავშირის ბიუჯეტის სახსრების არამიზნობრივ ხარჯვას ეხება — ინფორმაციას Reuters ავრცელებს.

მოსამართლემ შეამცირა მასზე მანამდე დაკისრებული პოლიტიკური თანამდებობის დაკავების აკრძალვის ვადა, რაც ლე პენს შანსს აძლევს, 2027 წლის გაზაფხულზე დაგეგმილ საპრეზიდენტო არჩევმებში მონაწილეობა მიიღოს.

ეროვნული გაერთიანების ლიდერს 3 წლით პატიმრობა შეეფარდა, თუმცა აქედან 2 წელი პირობითია, ხოლო დარჩენილი 1 წლის განმავლობაში ელექტრონული სამაჯური უნდა ეტარებინა. პოლიტიკური უფლებები ლე პენს 45 თვის ვადით ჩამოერთვა, საიდანაც 30 თვე პირობითი სასჯელია.

მიუხედავად იმისა, რომ შემცირებული ვადა მას არჩევნებში მონაწილეობის ფორმალურ სამართლებრივ უფლებას უტოვებს, ექსპერტთა ნაწილი მიიჩნევს, რომ ელექტრონული სამაჯურის ტარების აუცილებლობამ შესაძლოა სერიოზული ტექნიკური და იმიჯური ბარიერები შეუქმნას მის აქტიურ საარჩევნო კამპანიას.

შეგახსენებთ, 2025 წლის 31 მარტს ულტრამემარჯვენე პარტია ეროვნული გაერთიანების ლიდერ მარინ ლე პენს პარიზის სასამართლომ 2027 წელს საფრანგეთის საპრეზიდენტო არჩევნებში მონაწილეობა აუკრძალა და 4 წლით თავისუფლების აღკვეთა მიუსაჯა.