დასაშვებზე თითქმის ორჯერ დიდი მშენებლობა და პარალიზების საფრთხე ლორთქიფანიძის ქუჩაზე
თბილისის მერიამ, საბურთალოზე, ოთარ ლორთქიფანიძის ქუჩაზე, დასაშვებზე თითქმის ორჯერ დიდი ზომის შენობის აშენების ნებართვა გასცა. 1 684 კვადრატული მეტრ ნაკვეთზე შენდება კორპუსი, რომლის მეოთხედი საცხოვრებელ ბინებს დაეთმობა, დანარჩენ ნაწილში კი სამედიცინო დაწესებულება კურაციოს ამბულატორია განთავსდება. ადგილობრივი მოსახლეობის ნაწილი აღნიშნულ ფაქტს აპროტესტებს.
თბილისის მერიის არქიტექტურის სამსახურის 2016 წლის 19 ივნისს გაცემული ბრძანებით, კურაციომ დაბალი ინტენსივობის მრავალბინიანი საცხოვრებელი სახლისა და ამბულატორიის აშენების ნებართვა მიიღო. შენობის ცენტრალური შესასვლელი ლორთქიფანიძის ქუჩიდან ექნება. არქიტექტურის სამსახურის დადგენილებით, ამ ზონაში, მიწის ნაკვეთის განაშენიანების ინტენსივობის მაქსიმალური კოეფიციენტი 1,5 შეიძლება იყოს, კურაციომ კი მერიისგან 2,6 კოეფიციენტის ნებართვა მიიღო.
"იყო ხანძარი და ვერ შემოვიდა სახანძრო მანქანა"
ოთარ ლორთქიფანიძის ვიწრო ქუჩა უნივერსიტეტის ქუჩასა და ალექსანდრე ყაზბეგის გამზირს აკავშირებს ერთმანეთთან. ადგილობრივი მაცხოვრებლები შიშობენ, რომ ახალი სამედიცინო დაწესებულება ისედაც დატვირთული ქუჩის სრულ პარალიზებას გამოიწვევს. ამ დროისათვის, გზის პირას გაჩერებული ავტომობილების გამო, გარკვეულ მონაკვეთებზე ისეთი სივიწროვეა, რომ ორ მანქანას ერთმანეთისთვის გევრდის ავლა უჭირს, ზოგან კი ეს საერთოდ შეუძლებელია.
"40 ავტოფარეხი აქვთ და ფიქრობენ, რომ საკმარისია. 300 მხოლოდ სამედიცინო პერსონალია, 40 ფარეხი რაში უნდა ეყოთ? აქ ტრანსპორტი არ მოძრაობს. ან ფეხით უნდა მოვიდეს [პაციენტი], ან ტაქსით, ან საკუთარი მანქანით, რომლის გასაჩერებელი ადგილი ფიზიკურად არ არის," - ამბობს ერთ-ერთი მობინადრე ნანა მარგველაშვილი.
კურაციოს მიერ მერიაში წარდგენილი სატრანსპორტო კვლევის მიხედვით, პაციენტები კლინიკაში, ძირითადად, ტაქსებით ივლიან. ამავე დოკუმენტის მიხედვით, ქუჩა დატვირთულია დილის 9-10 საათებისა და საღამოს 18-19 საათების შუალედში, პაციენტები კი 10-დან 18 საათამდე მონაკვეთში იმოძრავებენ. აღნიშნული არგუმენტებიდან გამომდინარე, დოკუმენტის მტკიცებით, ოთარ ლორთქიფანიძის ქუჩა არ გადაიტვირთება. კვლევას ხელს შპს თბილქალაქპროექტის დირექტორი, ირაკლი კვარაცხელია აწერს.
სრულიად საპირისპიროს ამტკიცებს მოსახლეობის მიერ, საკუთარი სახსრებით დაკვეთილი კვლევა, რომელიც ტრანსპორტისა და პრობლემების კვლევის ექსპერტიზის ცენტრმა ჩაატარა.
აღნიშნული კვლევის მიხედვით, ამჟამად, ლორთქიფანიძის მობინადრეთა კუთვნილი ავტომობილების რაოდენობა, რომლებიც კორპუსების გასწვრივაა განლაგებული, ღამის საათებში 425 ერთეულს აღწევს. ასევე, ქუჩაზე მოძრაობის ინტენსივობა მთელი დღის განმავლობაში შეიმჩნევა.
"ოთარ ლორთქიფანიძის ქუჩის გამტარუნარიანობა, ამჟამინდელი მონაცემებით, კრიტიკულ ზღვარზეა. მოქმედი ნორმატივებით ქუჩას ნორმატიული რეზერვი აღარ აქვს, ამიტომ მასზე მოძრავი ავტომობილების კიდევ დამატება მიზანშეწონილი აღარაა, ვინაიდან შეუძლებელი გახდება ქუჩის სავალ ნაწილზე სპეც-ტექნიკის: სახანძრო, სამაშველო და ა.შ. დანიშნულების ავტომობილების გატარება," - წერია დოკუმენტში, რომელიც მობინადრეებმა On.ge-ს მიაწოდეს.
მობინადრეებმა თბილისის მერიის წინააღმდეგ სასამართლო პროცესი პირველ ინსტანციაში უკვე მოიგეს. სასამართლომ გააუქმა ბრძანებები, რომლებიც განაშენიანების კოეფიციენტის გაზრდაზე იძლეოდა ნებართვას. მერიას, ასევე, დაევალა ახალი გადაწყვეტილების მიღება საქმის არსებითი გარემოებების გამოკვლევისა და შეფასების შემდეგ.
"2 კვირაა განხილვისთვის. თუ აპელაციაზე არ შევიდა, მერიამ უნდა განიხილოს, შეუძლია, თუ არა მშენებლობისთვის იგივე კოეფიციენტის შენარჩუნება ჩვენი ინტერესების გათვალისწინებით, რაც აბსურდია. როგორ დაგვაკმაყოფილებენ? ესტაკადას გააკეთებენ?" - ამბობს მობინადრე ნანა მარგველაშვილი.
მერიაში On.ge-ს უთხრეს, რომ სასამართლოს გადაწყვეტილებას ადვოკატები სწავლობენ და ამაზე ჯერჯერობით ვერ ისაუბრებენ.
რაც შეეხება კურაციოს, სამედიცინო დაწესებულების წარმომადგენელი, გიორგი ჭოხონელიძე On.ge-სთან საუბარში ამბობს, რომ მათ ყველანაირი სამშენებლო მოთხოვნები წარუდგინეს მერიას ნებართვის მისაღებად:
"დღეს ლორთქიფანიძის ქუჩიდან არის შესასვლელი, მაგრამ ვცდილობთ და გვინდა, რომ ქვემოდანაც იყოს ძირითადი შესასვლელი. ამ ჩივილის ნაცვლად თუ გვერდში დაგვიდგება მოსახლეობა, კიდევ უკეთესი იქნება."
კითხვაზე, მიმართეს, თუ არა სასამართლოს თხოვნით, რომ დავის დასრულებამდე შეაჩეროს მშენებლობა, მობინადრეების ადვოკატი, გია დარჩია ასე პასუხობს:
"მსგავსი მოთხოვნა ჩვენ გვქონდა დაყენებული, მაგრამ თუკი არსებობს საფრთხე, რომ ამ შეჩერებამ ზიანი შეიძლება მიაყენოს კომპანიის ინტერესებს, სასამართლო ძალიან იშვიათად იყენებს ხოლმე მსგავს ზომას. არ არის გამორიცხული, რომ კიდევ მივმართოთ მსგავსი მოთხოვნით."
სასამართლო პროცესები, შესაძლოა, ექვსიდან რვა თვემდე გაგრძელდეს. ადვოკატის თქმით, მშენებლობა ახლა უფრო მეტი ინტენსივობით მიმდინარეობს, ვიდრე აქამდე. დარჩია შიშობს, რომ დავის გადაწყვეტამდე, შეიძლება, შენობა ბოლომდე აშენდეს, რაც რეალურად, მოსახლეობის პრობლემის მოგვარების შანსს არ დატოვებს.
-
გადახედვაკინოცენტრმა დაფინანსება შეგვიწყვიტა — თბილისის საერთაშორისო კინოფესტივალი კინოცენტრმა დაფინანსება შეგვიწყვიტა — თბილისის საერთაშორისო კინოფესტივალი
-
გადახედვაGPBA: კონსოლიდაცია რუსეთის დამპყრობლურ პოლიტიკასთან ბრძოლის აუცილებელი პირობაა GPBA: კონსოლიდაცია რუსეთის დამპყრობლურ პოლიტიკასთან ბრძოლის აუცილებელი პირობაა
-
გადახედვასააკაშვილი ენმ-ს პარტიის ბორდის შექმნას და თავმჯდომარედ მისი კანდიდატურის განხილვას სთხოვს სააკაშვილი ენმ-ს პარტიის ბორდის შექმნას და თავმჯდომარედ მისი კანდიდატურის განხილვას სთხოვს
-
გადახედვაშესაძლოა, არამიწიერი სიცოცხლე იისფერი ბაქტერიების სახით არსებობდეს შესაძლოა, არამიწიერი სიცოცხლე იისფერი ბაქტერიების სახით არსებობდეს
-
გადახედვაოზურგეთის საკრებულოს თავმჯდომარის, დავით დარჩიას შვილი: არა რუსულ კანონს! ოზურგეთის საკრებულოს თავმჯდომარის, დავით დარჩიას შვილი: არა რუსულ კანონს!
-
გადახედვაკვლევის თანახმად, მელიები ადამიანების "საუკეთესო მეგობრები" იყვნენ კვლევის თანახმად, მელიები ადამიანების "საუკეთესო მეგობრები" იყვნენ
-
გადახედვალაზარეს განაჩენის სარეზოლუციო ნაწილი პრეზიდენტს ჯერ არ მიუღია — მის მოსამზადებლად, მოსამართლემ 14-დღიანი ვადა აიღო ლაზარეს განაჩენის სარეზოლუციო ნაწილი პრეზიდენტს ჯერ არ მიუღია — მის მოსამზადებლად, მოსამართლემ 14-დღიანი ვადა აიღო
-
გადახედვადეა მელაძე: არა რუსულ კანონს! გელით რუსთაველზე დეა მელაძე: არა რუსულ კანონს! გელით რუსთაველზე
-
გადახედვავახტანგ გომელაური: აქციის მონაწილეები სიტყვიერ შეურაცხყოფას აყენებდნენ პოლიციას, ამის შემდეგ მოხდა დაპირისპირება ვახტანგ გომელაური: აქციის მონაწილეები სიტყვიერ შეურაცხყოფას აყენებდნენ პოლიციას, ამის შემდეგ მოხდა დაპირისპირება
-
გადახედვაახალგაზრდების ორგანიზებით, პარლამენტთან საპროტესტო აქცია დღეს 19 საათზე იგეგმება ახალგაზრდების ორგანიზებით, პარლამენტთან საპროტესტო აქცია დღეს 19 საათზე იგეგმება
-
-
გადახედვატაბიძეზე მომხდარი დაჭრის ფაქტზე ერთ პირს ბრალი წარუდგინეს ტაბიძეზე მომხდარი დაჭრის ფაქტზე ერთ პირს ბრალი წარუდგინეს
-
გადახედვარატომ გაუჩინარდნენ ევროპის მონადირე-შემგროვებლები რატომ გაუჩინარდნენ ევროპის მონადირე-შემგროვებლები
-
გადახედვასაფრანგეთმა აზერბაიჯანიდან კონსულტაციებისთვის ელჩი გაიწვია საფრანგეთმა აზერბაიჯანიდან კონსულტაციებისთვის ელჩი გაიწვია
-
გადახედვაოცნება ოფშორებთან დაკავშირებულ კანონს ივანიშვილს არგებს, იზრდება კრიმინალური და რუსული კაპიტალის შემოდინების რისკიც — TI ოცნება ოფშორებთან დაკავშირებულ კანონს ივანიშვილს არგებს, იზრდება კრიმინალური და რუსული კაპიტალის შემოდინების რისკიც — TI
-
გადახედვასადგური, რომელსაც ჩინეთის მთავრობა აშენებს, ინტერნეტმა ჰიგიენურ საფენს მიამსგავსა სადგური, რომელსაც ჩინეთის მთავრობა აშენებს, ინტერნეტმა ჰიგიენურ საფენს მიამსგავსა
-
გადახედვამოუსმინეთ: ტეილორ სვიფტმა ახალი "ორმაგი" ალბომი გამოუშვა 31 სიმღერით მოუსმინეთ: ტეილორ სვიფტმა ახალი "ორმაგი" ალბომი გამოუშვა 31 სიმღერით
-
გადახედვაევროკავშირს კი არა, ყველანაირ დასავლეთს დაგვავიწყებენ, არც ვიზალიბერალიზაცია შეგვრჩება — რას ამბობს ოპოზიცია ოფშორების კანონზე ევროკავშირს კი არა, ყველანაირ დასავლეთს დაგვავიწყებენ, არც ვიზალიბერალიზაცია შეგვრჩება — რას ამბობს ოპოზიცია ოფშორების კანონზე
-
გადახედვაპარლამენტმა ე.წ. ოფშორების შესახებ კანონი დაამტკიცა პარლამენტმა ე.წ. ოფშორების შესახებ კანონი დაამტკიცა
-
გადახედვავენერას ატმოსფეროდან კოსმოსში ნახშირბადი და ჟანგბადი ჟონავს ვენერას ატმოსფეროდან კოსმოსში ნახშირბადი და ჟანგბადი ჟონავს
-
გადახედვაDRI-ის შეფასებით, რუსული კანონის საწინააღმდეგო აქციაზე, ყველა დაკავებულზე ფიზიკურად იძალადეს DRI-ის შეფასებით, რუსული კანონის საწინააღმდეგო აქციაზე, ყველა დაკავებულზე ფიზიკურად იძალადეს
კომენტარები