აზოვის ბატალიონის დაზვერვის განყოფილების ოფიცრის, ილია სამოილენკოს განცხადებით, არსებობს როგორც სამხედრო, ისე პოლიტიკური გზა რუსული ჯარის გარღვევისა და აზოვსალის ქარხნის განბლოკვისთვის.

"რუსული ჯარის გარღვევა შესაძლებელია სამხედრო გზით და ასევე შესაძლებელია პოლიტიკური გზით. მაგრამ, თქვენ იცით, რომ ჩვენ არ შეგვიძლია გითხრათ, როგორაა ეს შესაძლებელი სამხედრო გზით, რა თქმა უნდა, ეს ოპერაციები საიდუმლო ინფორმაციაა. უკრაინის სამთავრობო უწყებებში მსხდომი ადამიანების უმეტესობას, ძირითადად, არასწორად ესმით სიტუაცია, ჩვენი გადმოსახედიდან რეალობა სხვაა", — ამბობს სამოილენკო.

ოფიცრის თქმით, ყველაზე დიდი პრობლემა ეროვნული უსაფრთხოებაა. ის დარწმუნებულია, რომ მარიუპოლის გარნიზონს კატასტროფული შედეგები მოჰყვება მთელი უკრაინისა და მისი მოსახლეობისთვის.

სამოილენკომ აღნიშნა, რომ მებრძოლები ამ სიტუაციაში კვლავ ცდილობენ საუკეთესო ვარიანტების და ძალისხმევის გამოძებნას.