უკრაინის უმაღლესი რადას ფრაქცია ხალხის მსახურის თავმჯდომარემ, დავით არახამიამ განაცხადა, რომ ოკუპანტები აზოვსტალის ტერიტორიაზე არიან. მისი თქმით, ხელისუფლებას აქვს კონტაქტი მარიუპოლის დამცველებთან.

"ქარხნის შტურმის მცდელობები უკვე მეორე დღეა გრძელდება. რუსული ჯარები უკვე იმყოფებიან აზოვსტალის ტერიტორიაზე", — განაცხადა არახამიამ აზოვის პოლკის მეთაურზე დაყრდნობით, თუმცა სხვა დეტალები არ დაუკონკრეტებია.

დღეს უკრაინსკა პრავდამ წყაროებზე დაყრდნობით გაავრცელა ინფრომაცია, რომ რუსი სამხედროები აზოვსტალის ქარხანაში შეიჭრნენ. მედია წერდა, რომ უკრაინელ მებრძოლებთან კავშირი ვერ მყარდება.