რობინ უილიამსის თაყვანისმცემლებს, კიდევ ერთი და ამჯერად, უკანასკნელი შანსი მიეცემათ, მისი ახალი ნამუშევარი დიდ ეკრანზე ნახონ.

Absolutely Anything ასე ჰქვია ბრიტანულ კომედიურ სამეცნიერო ფანტასტიკას, რომელიც 2017 წლის აგვისტოში გამოვა.

ფილმის პრემიერა დიდ ბრიტანეთში 2015 წელს შედგა, თუმცა ამერიკაში მას მხოლოდ ახლა უჩვენებენ.

რობინ უილიამსი ფილმში ერთ-ერთ პერსონაჟს ახმოვანებს. მასთან ერთად კინოსურათში საიმონ პეგი და ქეით ბეკინსეილი თამაშობენ.

2014 წლის 11 აგვისტოს რობინ უილიამსი კალიფორნიაში, საკუთარ სახლში გარდაცვლილი იპოვეს. გარდაცვალების მიზეზი თვითმკვლელობა იყო.