ინდოეთში ოჯახში ძალადობის პრობლემა მწვავედ დგას. მაგალითად, 2015 წელს, ქვეყნის მასშტაბით, 133 ათასზე მეტი შემთხვევა დარეგისტრირდა და ვარაუდობენ, რომ ბევრად მეტი ინციდენტი ოჯახების მიერ მიიჩქმალა.

ამ პრობლემის მოგვარება უცნაური გზით გადაწყვიტა ინდოეთის შტატ მადია პრადეშში მოღვაწე ერთ-ერთმა პოლიტიკოსმა, რომელმაც რამდენიმე დღის წინ გამართულ მასობრივი ქორწინების ცერემონიაზე პატარძლებს ხის კეტები დაურიგა.

AFP-სთან საუბრისას პოლიტიკოსმა განაცხადა, რომ როცა ქმრები თვრებიან, გონებას კარგავენ და ცოლებზე ძალადობენ, ასეთ შემთხვევაში კი საქმეში აუცილებლად უნდა ჩაერთოს კეტი. მისივე თქმით, ეს არა ძალადობისკენ მოწოდება, არამედ აგრესიული ადამიანებისთვის თავიანთივე აგრესიის სახეზე აფარებაა.

ხის კეტებზე წარწერებიცაა დატანილი, "ლოთების გასალახი" და "პოლიცია არ ერევა".