25 წლის ფინელი ინფლუენსერი სარა ფუტო ერთ-ერთია იმ ადამიანებს შორის, რომლებიც სხვებს საკუთარი სხეულის მიღებას ასწავლიან. სარამ ინტერნეტში განსაკუთრებული პოპულარულობა მას შემდეგ მოიპოვა, რაც ბუნებრივი ფოტოების დადება დაიწყო — ფოტოების, რომელშიც არ ცდილობს, რომ უფრო გამხდარი და სილამაზის სტანდარტებს მორგებული ჩანდეს.

სარას თქმით, ადრე სოციალურ ქსელებში საკუთარ თავს სხვებს ხშირად ადარებდა და განიცდიდა, რომ საკმარისად კარგი არ იყო. მალე მიხვდა, რომ ერთადერთი არ იყო, ვინც თავს ასე გრძნობდა, ამიტომ გადაწყვიტა გაეკეთებინა ერთგვარი პროექტი, რომელშიც სოციალური ქსელებისთვის გადაღებულ ფოტოებს რეალურ ფოტოებს შეადარებდა.

სარა საკუთარი ფოტოებით კიდევ ერთხელ გვარწმუნებს, რომ ყველაფერი, რასაც სოციალურ ქსელებში ვხედავთ სიმართლეს არ შეესაბამება და საკუთარი თავი ისეთი უნდა შევიყვაროთ, როგორიც ვართ:

1. პირველ ფოტოში სარა ცდილობს, გამხდარი ჩანდეს, მეორეში კი მისი სხეული ბუნებრივ მდგომარეობაშია

ფოტო: saggysara

2. ფოტოს გადაღებისას სხეულის პოზას დიდი მნიშვნელობა აქვს, რაც საბოლოოდ სილამაზის არარეალური სტანდარტების გაძლიერებას უწყობს ხელს

ფოტო: saggysara

3. "შენი სხეული ტრენდი არაა" — ამბობს სარა

ფოტო: saggysara

4. სარა ადრე თვლიდა, რომ აუცილებლად გამხდარი უნდა ყოფილიყო

ფოტო: saggysara

5. ახლა სარა მიიჩნევს, რომ მთავარია, თავს კომფორტულად გრძნობდეს, რადგან გარეგნობა მისი ერთადერთი ღირსება არაა

ფოტო: saggysara

6. მსგავსი შედარებებით ცდილობს სხვებსაც დაანახოს, რომ სოციალური ქსელები ყალბია

ფოტო: saggysara

7. იდეალური არავინაა და ამაში ცუდი არაფერია

ფოტო: saggysara

8. სარა ფიქრობს, რომ არის დღეები, როცა საკუთარი სხეული არ გვიყვარს

ფოტო: saggysara

9. ...თუმცა უნდა გვახსოვდეს, რომ ამაში უცნაური არაფერია

ფოტო: saggysara

10. მთავარია, კვლავ გაგვახსენდეს, რომ ჩვენი სხეული ჩვენს სიყვარულს იმსახურებს

ფოტო: saggysara