კიარა ბროკენბროუს გადაწყვეტილებამ, რომელიც მან ტიკტოკისა და იუთუბის მეშვეობით თავის მაყურებელს გაანდო, დიდი მოწონება დაიმსახურა. კიარა 2022 წლის თებერვალში დაქორწინდა და თავის ქმართან ერთად გადაწყვიტა, რომ მოკრძალებული ქორწილი ჰქონოდა და საქორწინო კაბაშიც ბევრი ფული არ დაეხარჯა, რათა ახალი ცხოვრების დასაწყებად მეტი დაეზოგათ.

კიარა სოციალური მედიის მენეჯერად მუშაობს, თუმცა ამასთანავე, საკუთარი იუთუბის არხი აქვს და ტიკტოკის აქტიური მომხმარებელიცაა. კიარამ გადაწყვიტა, რომ საქორწინო კაბის ვიდეო ტიკტოკზე გამოექვეყნებინა და მალევე 920 ათასი ნახვა დააგროვა.

@kiarabrk Reply to @maalikaelise dress included! $47 on @SHEIN 🤩🤩 #weddingtiktok #weddingdress #cheapwedding #blackbride ♬ audio credit is rennyxaudios - 70s80s90s00s

საქორწინო კაბა, რომელიც კიარას ვიდეოში აცვია, 47 დოლარი ღირდა. კიარამ კაბა ჩინურ ვებსაიტზე შეუკვეთა და ქორწილის თანხების ნაწილი ამ გზით დაზოგა. გარდა ამისა, კიარამ და თავისმა ქმარმა პატარა და მოკრძალებული საქორწინო ცერემონია ჩაატარეს, რაც სულ 500 დოლარი დაჯდა.

"საერთო ჯამში, ბედნიერი ვარ, რომ მოკრძალებული ცერემონიის ჩატარება გადავწყვიტე. სოციალური ქსელების მეშვეობით ბევრ ადამიანს ვუთხარი, რომ ინვესტიცია ქორწინებაში უნდა ჩადო და არა ერთდღიან საქორწინო ჩაცმულობაში, რითაც ძალიან ვამაყობ", — ამბობს კიარა.

ფოტო: TikTok

კიარამ ტიკტოკზე საქორწინო კაბის მორგების ვიდეო ქორწილის შემდეგ გამოაქვეყნა. ვიდეო ვირუსულად გავრცელდა და კიარას ბევრმა მომავალმა პატარძალმა დაუკომენტარა, რომ ამ ტიკტოკის ნახვამ მათ ნაკლებად ძვირიანი კაბის ყიდვა გადააწყვეტინა. თავად კიარა გახარებულია, რომ სოციალურ ქსელების მომხმარებლებისგან მისი გადაწყვეტილების შექება და მხარდაჭერა დაიმსახურა.