პარლამენტში დეპუტატებმა და პარლამენტის თავმჯდომარემ საჯარო სკოლებში ჩარიცხულ უკრაინელ მოსწავლეებს უმასპინძლეს და საჩუქრები გადასცეს. მათ შორის, პლანშეტები და ფორტუნასა და შვიდკაცას დისკებია. ინფორმაცია და ფოტოები თავდაპირველად რადიო თავისუფლებამ გაავრცელა.

"დარწმუნებული ვარ, საქართველოში ყოფნა თქვენთვის საინტერესო იქნება. ბევრ ცოდნას და ახალ მეგობარს შეიძენთ თანაკლასელების სახით. ყველას გისურვებთ, საინტერესო პერიოდი გქონოდეთ საქართველოში, ესაუბრეთ და გაუცვალეთ ემოციები თქვენს თანაკლასელებს, დაგეგმეთ ექსკურსიები — ჩვენ შესაძლებლობების ფარგლებში, ყველაფერში დაგეხმარებით. მობრძანდით პარლამენტშიც.

მიხარია, რომ აქ ხართ. მადლობას ვუხდი პედაგოგებს, სკოლებს და განათლების სამინისტროს, რომ ინიციატივა უკრაინელი მოსწავლეების სკოლებში გადანაწილებასთან დაკავშირებით ასე სწრაფად განხორციელდა", — ასე მიმართა მათ პარლამენტის თავმჯდომარემ, შალვა პაპუაშვილმა.

გარდა ამისა, პარლამენტის გამოქვეყნებულ ინფორმაციაში ვკითხულობთ, რომ დღესვე სკოლის მოსწავლეები, მათი მშობლები და პედაგოგები ტრამვაით გაემგზავრებიან მთაწმინდის პარკში, სადაც ისინი მთელი დღე ულიმიტო აბონიმენტით ისარგებლებენ.