უკრაინის საელჩოსთან, სადაც საქართველოში უკრაინის საქმეთა დროებითი რწმუნებულის, ანდრეი კასიანოვის ბრიფინგი მიმდინარეობდა, აქციის მონაწილე დააკავეს. კითხვაზე, რა არის ამის მიზეზი, სამართალდამცავებმა არ უპასუხეს.

იმის გასარკვევად, თუ რა მუხლით დააკავეს აქტივისტები On.ge შინაგან საქმეთა სამინისტროსთან ცდილობს დაკავშირებას, პასუხს მიღებისთანავე შემოგთავაზებთ.

დღეს უკრაინის პრეზიდენტმა, ვოლოდიმირ ზელენსკიმ საქართველოდან უკრაინის ელჩი გაიწვია. ზელენსკი ამბობს, რომ მიზეზი სანქციებზე "ამორალური პოზიცია" და უკრაინაში მოხალისეების წასვლაში ხელის შეშლაა.

საქართველოში უკრაინის ელჩის მოვალეობას ანდრეი კასიანოვი შეასრულებს. მისი თქმით, ზელენსკი კონსულტაციებზე გაწვეულ ელჩთან სხვადასხვა საკითხს, მათ შორის, უკრაინაზე საქართველოს პოზიციას განიხილავს.

დამატებითი ინფორმაცია უკრაინაში მიმდინარე მოვლენებზე განახლებად რეჟიმში შეგიძლიათ ნახოთ აქ:

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში