გერმანული ავიაკომპანია Lufthansa უკრაინაში არსსებული დაძაბული ვითარების გამო კიევისა და ოდესის მიმართულებით 21 თებერვლიდან 28 თებერვლამდე ფრენებს აუქმებს.

კომპანია ფრენებს გააგრძელებს დასავლეთ უკრაინაში, ქალაქ ლვოვის მიმართულებით, სადაც ზოგიერთმა ქვეყანამ საელჩოები გადაიტანა. Lufthansa-ს პრესსპიკერის თქმით, მუდმივად აკონტროლებენ სიტუაციას და შემდგომი ფრენების შესახებ გადაწყვეტილებას მოგვიანებით მიიღებენ.

13 თებერვალს ჰოლანდიურმა ავიაკომპანია KLM-მა განაცხადა, რომ უკრაინის მიმართულებით ფრენებს უსაფრთხოების მიზეზით აუქმებს. კომპანიაში ამბობენ, რომ პირველ ადგილზე მგზავრებისა და პერსონალის უსაფრთხოებას აყენებენ.

უკრაინის საზღვრებთან დაძაბულობა იმატებს. ამერიკის შეერთებული შტატების პრეზიდენტის, ჯო ბაიდენის განცხადებით, დარწმუნებულია, რომ რუსეთის პრეზიდენტმა მიიღო უკრაინაში შეჭრის გადაწყვეტილება. მისივე თქმით, მიზანში უკრაინის დედაქალაქს, კიევს ამოიღებენ.

დიდი ბრიტანეთის პრემიერინისტრის, ბორის ჯონსონის განცხადებით, მტკიცებულებები მიუთითებს იმაზე, რომ რუსეთი გეგმავს ყველაზე დიდ ომს ევროპაში 1945 წლის შემდეგ.