ლეიბორისტული პარტიის ლიდერის შალვა ნათელაშვილი კიდევ ერთხელ მოუწოდებს ოპოზიციას დატოვოს პარლამენტი. ჟურნალისტის კითხვაზე "თქვენ შედიხართ და იმათ გამოსვლისკენ მოუწოდებთ?" — ნათელაშვილმა თქვა, რომ შესვლის შემდეგ თავადაც მათთან ერთად გამოვა. მან ასევე აღნიშნა, რომ ჯერ არ აქვს გადაწყვეტილი შეწყვეტს თუ არა ბოიკოტს.

"არა, მეც გამოვალ მერე მათთან ერთად, თუ არ შევედი მათთან ერთად ყველაზე გვიან... ჯერ გადაწყვეტილება არცაა მიღებული შესვლაზე, ალბათ, ამ დღეებში მოვიწვევთ პოლიტკომიტეტს, მაგრამ გამოვიდეთ ერთად, აი, შემოვალ, ერთმანეთს მოვკიდოთ ხელი და დავტოვოთ პარლამენტი განცხადებით, და დამთავრდება რეჟიმი, ჩამოიშლება და რამდენიმე დღეში ახალი არჩევნები იქნება ყოველგვარი რევოლუციის გარეშე", — თქვა TV პირველის ეთერში.

დღეს, 7 იანვარს საპროცედურო საკითხა კომიტეტმა ლელოს ლიდერის, ბადრი ჯაფარიძის, ლეიბორისტული პარტიის ლიდერის, შალვა ნათელაშვილისა და დროას ლიდერის, ელენე ხოშტარიას საპარლამენტო უფლებამოსილების შეწყვეტის საკითხს დაუჭირა მხარი.