რუსეთის საგარეო საქმეთა სამინისტროში აცხადებენ, რომ უკრაინასთან "ომზე გაფიქრებაც კი მიუღებელია". ამის შესახებ ინფორმაციას რუსული სახელისუფლებო მედია TASS ავრცელებს.

"არაერთხელ ვთქვით, რომ ჩვენი ქვეყანა არავისზე თავდასხმას არ აპირებს. ჩვენს ხალხებს შორის ომზე გაფიქრებაც კი მიუღებლად მიგვაჩნია", — განაცხადა რუსეთის საგარეო საქმეთა სამინისტროს პრესის დეპარტამენტის ხელმძღვანელმა, ალექსეი ზაიცევმა.

უკრაინის საზღვრებთან სიტუაცია უფრო და უფრო იძაბება. 26 იანვარს რუსეთმა ბელარუსში სამხედრო ძალები განათავსა, რითიც უკრაინის ჩრდილოეთით შეიქმნა ახალი სავარაუდო ფრონტი თავდასხმისთვის. ამის ფონზე რუსეთი ამტკიცებს, რომ უკრაინაში შეჭრას არ გეგმავს, ამავდროულად კი დასავლეთი მკაცრი ეკონომიკური სანქციებით იმუქრება.

გაიგეთ მეტი: