აშშ-ის საელჩო უკრაინაში მოუწოდებს თავის მოქალაქეებს, ქვეყანა დატოვონ. საელჩოში აცხადებენ, რომ რუსეთის მხრიდან საფრთხის ზრდის გამო სიტუაცია არაპროგნოზირებადია და შესაძლოა, წინასწარ გაფრთხილების გარეშე გაუარესდეს, ამიტომ მოქალაქეებს ურჩევენ ჩარტერული რეისები ან სხვა სახის კერძო ტრანსპორტი გამოიყენონ.

მათი განცხადებით, საელჩო მუშაობს და მსურველებს შეუძლიათ მიმართონ როგორც აშშ-ის პასპორტის, ასევე სხვა საჭირო დოკუმენტების საკითხზე. გარდა ამისა, მოქალაქეებს, რომელსაც დასაბრუნებელი ბილეთისთვის საკმარისი თანხა არ აქვთ, საელჩო სპეციალურ პირობებს სთავაზობს. ასევე, მათ მოუწოდებენ, შეავსონ სპეციალური ფორმები, რომლის შემდეგაც მათ დაუკავშირდებიან.

უკრაინის საზღვრებთან სიტუაცია უფრო და უფრო იძაბება. დღეს, 26 იანვარს რუსეთმა ბელარუსში სამხედრო ძალები განათავსა, რითიც უკრაინის ჩრდილოეთით შეიქმნა ახალი სავარაუდო ფრონტი თავდასხმისთვის. ამის ფონზე რუსეთი ამტკიცებს, რომ უკრაინაში შეჭრას არ გეგმავს, ამავდროულად კი დასავლეთი მკაცრი ეკონომიკური სანქციებით იმუქრება .

გაიგეთ მეტი: