მიხეილ სააკაშვილის მეუფე ნიკოლოზის შეთავაზებაზე მის ეპარქიაში სივრცის გამოყოფისა და შინაპატიმრობის შესახებ, უარს ამბობს. როგორც ის მორიგ წერილში წერს, "არანაირ პატიმრობას" არ იღებს.

"მე არაერთხელ ვარ იქ ნამყოფი. მართლაც ჯადოსნური, სიყვარულით და ინტელექტუალური და სულიერი ენერგიით სავსე ადგილია. მაგრამ, საქმე იმაშია, რომ მე არანაირ პატიმრობას არ ვიღებ, მათ შორის შინაპატიმრობას, დაფუძნებულ უსამართლო "განაჩენებზე".

ჩემი ამოცანაა, მქონდეს საშუალება, ვიყო თავისუფალი და გადავაადგილდებოდე საქართველოში, ჩვენს მოქალაქეებს გისოსებიდან და სასამართლოს შუშის მეორე მხრიდან კი არ ვუყურებდე, არამედ ხელს ვართმევდე, მხარზე ხელს გადავხვევდე, თვალებში ვუყურებდე, პირადად ვუსმენდე და ძალღონე არ დავიშურო მათი ამ უბედური მდგომარეობის გადასალახად", — წერს ის.

19 იანვარს მეუფე ნიკოლოზმა ხელისუფლებას მის ეპარქიაში სივრცის გამოყოფა და ექსპრეზიდენტის შინაპატიმრობაში გადაყვანა შესთავაზა. მისი განცხადებით, ამით "ძალიან ბევრი" პრობლემა მოიხსნებოდა.