"ჩვენ გვაქვს დევიზი, რომ ლეჩხუმს მსოფლიოს გავაცნობთ და სოფელ ქორენიშს ტურისტულ ლოკაციად ვაქცევთ", — ამბობს ტურისტული სახლი ქორენიშვილის ვერანდის დამფუძნებელი, ლევან ხმელიძე.

ლევანს ამ მიზნის მიღწევაში ბიზნესის #1 ქომაგი, VTB ეხმარება. ბანკმა აგრომეწარმეების დასახმარებლად 1 600-ზე მეტი პროექტი დააფინანსა და ასეულობით მილიონი ლარი გაიღო რეგიონში არსებული ბიზნესების დასახმარებლად.

რეგიონების განვითარება და მცირე და საშუალო ბიზნესების მხარდაჭერა დღევანდელი მდგომარეობის გათვალისწინებით განსაკუთრებით მნიშვნელოვანია. კოვიდპანდემიამ ყველაზე დიდი ზიანი სწორედ მათ მიაყენა, ვისაც კრიზისულ სიტუაციებთან გასამკლავებლად შესაბამისი რესურსები არ ჰქონდათ. ამ დროს იკვეთება დიდი კომპანიების როლი, მათი სოციალური პასუხისმგებლობის გააზრებაში. ამ მხრივ კი, შეიძლება ითქვას, რომ VTB-მ რეალურად მოიპოვა ქართული ბიზნესის დიდი ქომაგის სტატუსი.

ბანკის ხელშეწყობით საქართველოში არაერთმა ბიზნესმა მოახერხა, რთული წლის შემდეგ ძალები აღედგინა და მომხმარებელს დაბრუნებოდა. ამასთან, VTB ბევრ ახალბედა მეწარმესაც დაეხმარა პირველი ნაბიჯების გადაგმაში.

ილუზიების მუზეუმი, სასტუმრო კოლიზეუმ მარინა, ესთეტიკური მედიცინის ცენტრი ელიზიუმი — ეს მხოლოდ მცირე ჩამონათვალია იმ ცნობილი ობიექტებისა, რომლებმაც ბანკის მხარდაჭერა მიიღეს.

თუმცა, როგორც უკვე ვთქვით, VTB-ისთვის პრიორიტეტულია რეგიონში არსებული ბიზნესებისა და იქ მოღვაწე მეწარმეების დახმარებაც. ამ მიზნით დეკემბრის დასაწყისში ბანკმა აგრომეწარმეების კვირეულიც კი წამოიწყო.

კვირეულის ფარგლებში ვითიბიმ ერთგვარი გასტროტური მოაწყო და ცნობილ შეფმზარეულებთან ერთად საქართველოს სხვადასხვა კუთხეში აგრომეწარმეებს ესტუმრა. ამას რამდენიმე მიზანი ჰქონდა — ერთი მხრივ, ადგილობრივი ბიზნესების საქმიანობის, მეორე მხრივ კი ქართული კულტურის პოპულარიზაცია და მემკვიდრეობის გაცოცხლება.

წინაპრების აღდგენილი საქმიანობა

"ლეჩხუმი ის ადგილია, სადაც მე ჩემი თავი ვიპოვე", — აცხადებს ლევან ხმელიძე — "ხუთი წლის წინ დავბრუნდი სოფელში და ხელი მოვკიდე მეღვინეობა-მევენახეობის განვითარებას, რასაც ჩემი ოჯახი 1885 წლიდან აკეთებს; ბაბუაჩემის ბაბუამ, კოწია ხმელიძემ, ჩაუყარა საფუძველი იმ დიდ საქმეს, რომელსაც ახლა ხმელიძეების მარანი ჰქვია".

ხმელიძეების მარანი ერთ-ერთი იშვიათი საწარმოა ლეჩხუმში, რომელიც საქართველოს გამორჩეული და მდიდარი ტრადიციების მქონე ისტორიული მხარეა. თუმცა, ტრადიციები და ჩვეული საქმიანობის გაგრძელება კითხვის ნიშნის ქვეშ დგება, როცა რეგიონი იცლება, ხოლო დარჩენილ ადამიანებს საჭიროებებზე წვდომა არ აქვთ. სწორედ აქ გამოჩნდა VTB-ის როლი. ბანკის დახმარებით მცირე სასტუმროში ნომრების დამატება გახდა შესაძლებელი, ამასთან ადგილობრივმა მეწარმემ ვითიბის დაფინანსებით მეღვინეობის და მეფუტკრეობის ბიზნესის გაფართოებაც შეძლო.

"მინდა გამოვხატო ეს მადლიერება", — დასძენს ლევანი, — "რომ არა VTB ბანკი, ამ შემთხვევაში, ჩვენი სწრაფი განვითარებაც არ იქნებოდა შესაძლებელი".

ამ ხელშეწყობით ხმელიძემ წინაპრების საქმიანობის გაგრძელება შეძლო და ბებია-ბაბუის აშენებულ სახლში მცირე სასტუმრო მოაწყო. სასტუმროს დატვირთვის ზრდასთან ერთად, გამოიკვეთა ახალი საჭიროებებიც, რომელთა შესრულებაშიც სოფელში დაბრუნებულ მეწარმებს მეზობლები დაეხმარნენ. ამგვარად, ადგილობრივებსაც მიეცათ წარმოებული პროდუქციის რეალიზების საშუალება. ეს პრეცედენტი მოწმობს, როგორ შეუძლია მცირე ბიძგსაც კი განვითარების ჯაჭვური რეაქციის გამოწვევა.

სანდო პარტნიორის მნიშვნელობა

"ერთია, მოიფიქრო საქმე განსახორციელებად, მეორეა — მოიზიდო ფინანსები — რისთვისაც სანდო პარტნიორია საჭირო", — აფასებს Park Resort Mtirala-ის დამფუძნებელი, ჯემალ კონცელიძე, — "ასეთ პარტნიორად ბანკი მოგვევლინა, რომლის დახმარებითაც ორი წლის წინ გავაკეთეთ ახალი ობიექტი, Park Resort Mtirala, ახალი რესტორანი და ახალი სასტუმრო".

ზიპლაინიდან კვადროციკლების ტურამდე აქ დღეს ყველაფერია, რითიც შეიძლება დამსვენებელი გაერთოს. თუმცა, თითქმის 10 წლის წინ, როცა ჯემალი აქ ჩამოვიდა, ადგილზე ფაქტობრივად არაფერი იყო. ოჯახისა და ადგილობრივი მოსახლეების დახმარებით მან ერთ-ერთი მიმზიდველი ტურისტული ლოკაციის შექმნა შეძლო.

ქორენიშის სასტუმროს მსგავსად, Park Resort Mtirala-მაც ხელი შეუწყო ადგილობრივების საქმიანობის წახალისებასა და მათ მიერ შექმნილი პროდუქტის რეალიზებას; რესტორანში ხომ ადგილზევე მოყვანილ ნატურალურ პროდუქტებს იყენებენ.

"დარწმუნებული ვარ, რომ ჩვენი გუნდი სასიკეთო საქმეს აკეთებს, როგორც რეგიონისთვის, ასევე ქვეყნისთვის", — ამატებს ჯემალი, — "მომავალში უფრო მეტ ამბიციურ პროექტს განვახორციელებთ ჩვენს პარტნიორ ბანკთან ერთად".

ამაში დარწმუნებულია პარტნიორი ბანკიც, რომელიც ქართული ბიზნესის მხარდაჭერაზე დიდ იმედებს ამყარებს.

"გვჯერა, რომ მსგავსი აქტივობები კიდევ უფრო დაგვეხმარება ქართული ბიზნესის პოპულარიზაციაში და განვითარებაში", — აღნიშნავს VTB-ის მცირე და საშუალო ბიზნესის დეპარტამენტის უფროსი, არჩილ ჩაჩხიანი, — "ამასთან, ეს, ხელს შეუწყობს გრძელვადიან პარტნიორულ ურთიერთობებს".

პარტნიორულ ურთიერთობებში კი, რასაკვირველია, მხარდაჭერილი ბიზნესებისა და VTB-ის კავშირი იგულისხმება. ძლიერი ბიზნესსექტორი ქვეყანაში ბიზნეს ეკოსისტემას, შესაბამისად, აქ არსებულ ურთიერთობებსაც აჯანსაღებს, ქმნის კონკურენტულ სივრცესა და კონკურენტუნარიან მეწარმეებს.

"ჩვენ, მუდმივად მზად ვართ, წავახალისოთ ისეთი ინიციატივები, რომლებიც მიმართულია ბიზნესის გაძლიერიბასა და ეკონომიკური განვითარებისკენ", — დასძენს არჩილი.