ბრედ პიტი, რომლის ახალი ფილმი, F1, კინოთეატრებში სულ მალე გამოვა, ახლახან ვიხილეთ ჟურნალ GQ-ს მთავარ გარეკანზე დემსონ იდრისთან და ფილმის პროდიუსერთან, ლუის ჰემილტონთან ერთად. ფილმი, რომლის გადაღებაც ანჯელინა ჯოლისა და ბრედ პიტის განქორწინების ხმაურიან პროცესს დაემთხვა, რბოლისა და სისწრაფის ხელოვნებაზე მოგვითხრობს.

მსახიობმა GQ-სთან ინტერვიუში სწორედ დაძაბული პირადი ცხოვრების ფონზე მუშაობაზე ისაუბრა:

"ჩემი პირადი ცხოვრება ყოველთვის მედიის ყურადღების ცენტრშია," – უპასუხა პიტმა გამოცემას კითხვაზე, თუ როგორია ფილმების გადაღება საჯარო ყურადღების ფონზე — "30 წელია ჩემს პირად ცხოვრებაზე წერენ, ძმაო. ან ჩემი პირადი ცხოვრების თავისებურ ვერსიაზე, ასე ვთქვათ."

როცა ჰკითხეს, იყო თუ არა F1-ის გადაღება მისთვის ერთგვარი თავშესაფარი იმ საჯარო ყურადღებისგან, რაც მის პირად ცხოვრებას მოჰყვება, პიტმა უპასუხა: "ყურადღება ყოველთვის იყო რაღაც შემაწუხებელი, რასთან გამკლავებაც სხვადასხვა დონეზე მუდამ მიწევდა – დიდზეც და მცირეზეც – იმ დროს, როცა ვაკეთებ იმას, რაც მართლა მინდა. ასე რომ, ეს მუდამ იყო ერთგვარი მომაბეზრებელი რამ ჩემს ცხოვრებაში."

"ძირითადად თავს საკმაოდ მშვიდად ვგრძნობ, რადგან ჩემს პირად ცხოვრებას კარგად ვიცავ" – დაამატა პიტმა. "თბილად და უსაფრთხოდ ვგრძნობ თავს ჩემს მეგობრებთან, პარტნიორებთან, ოჯახთან, საკუთარ თავთან. საჯარო ყურადღება იმ პატარა ბუზს ჰგავს, რომელიც ამ ყველაფრის ირგვლივ დაფრინავს."

GQ-მ შემდეგ პიტს პირდაპირ ჰკითხა, გრძნობდა თუ არა შვებას, ახლა, როცა ჯოლისთან მისი განქორწინების პროცესი საბოლოოდ დასრულდა. ოსკარის მფლობელი მსახიობის თქმით, "არა, არ ვფიქრობ, რომ ეს რაიმე განსაკუთრებული იყო. უბრალოდ ეს იყო რაღაც, რაც კანონიერად დასრულდა."

პიტმა და ჯოლიმ განქორწინება 2024 წლის 30 დეკემბერს ოფიციალურად დაასრულეს რვაწლიანი სამართლებრივი დავის შემდეგ. ჯოლის ადვოკატმა, ჯეიმს საიმონმა მაშინ განცხადებაში თქვა: " რვა წელზე მეტი ხნის წინ, ანჯელინამ პიტთან განქორწინებაზე შეიტანა სარჩელი. მან და ბავშვებმა დატოვეს ის ყველა ქონება, რომელსაც პიტთან ერთად ფლობდნენ და მას შემდეგ ჯოლი ცდილობდა მოეპოვებინა სიმშვიდე თავისი ოჯახისთვის. ეს მხოლოდ ერთ-ერთი ეტაპია რვაწლიანი, გრძელვადიანი პროცესისა. გულახდილად რომ ვთქვათ, ანჯელინა ძალიან დაღლილია, მაგრამ შვებას გრძნობს, რომ ეს ნაწილი დასრულდა."

ერთ დროს ჰოლივუდის გავლენიანი წყვილი საერთაშორისო მედიის ყურადღების ცენტრში 2016 წელს მოექცა, როცა გავრცელდა ამბავი მათ შორის ფიზიკური კონფლიქტი შესახებ კერძო თვითმფრინავში. ჯოლის სარჩელის მიხედვით, პიტმა "ერთ-ერთ შვილს ყელში ხელები მოუჭირა", "მეორეს სახეში გაარტყა" და "ჯოლის თავზე ხელები მოკიდა და შეანჯღრია." ჯოლიმ რამდენიმე დღეში განქორწინებაზე სარჩელი შეიტანა.

2024 წლის აპრილში ჯოლის ადვოკატმა დამატებითი სარჩელი წარადგინა, რომელშიც ნათქვამია, რომ ფიზიკური ძალადობა "დაიწყო ბევრად ადრე," ვიდრე 2016 წლის ინციდენტი. თავის მხრივ, პიტმა 2022 წელს დაადანაშაულა ჯოლი, რომ მან "დაარღვევია ხელშეკრულებითი ვალდებულებები," როდესაც თავის წილი შატო მირავალის ღვინის ქარხანაში პიტის თანხმობის გარეშე გაყიდა. ჯოლის ადვოკატებმა საპასუხო სარჩელში განაცხადეს, რომ პიტი ჯოლის არ აძლევდა უფლებას გაეყიდა თავისი წილი, თუ ის არ მოაწერდა ხელს "გაუმჟღავნებლობის შეთანხმებას," რომელიც ჯოლის სასამართლოს გარეთ პიტის მხრიდან ფიზიკურ და ემოციურ ძალადობაზე საუბარს უკრძალავდა.

იხილეთ ასევე:

• ანჯელინა ჯოლი წითელ ხალიჩაზე უმცროს შვილთან ერთად გამოჩნდა — ნახეთ ფოტოები
• დევიდ ფინჩერი ბრედ პიტთან და კვენტინ ტარანტინოსთან ერთად სერიალს იღებს
• "ჰოლივუდის საუკეთესო მეგობრები" — ჯორკ კლუნი და ბრედ პიტი GQ-ს ობიექტივში
• ანჯელინა ჯოლი ბრედ პიტს სასამართლო დავის შეწყვეტას სთხოვს
• ბრედ პიტი ფილმში "F1" მთავარ როლს შეასრულებს — ნახეთ ტრეილერი