ჰიპერმარკეტებისა და სუპერმარკეტების უდიდესი ქსელი კარფური, რომელსაც საქართველოში კომპანია მაჯიდ ალ ფუტაიმი წარმოადგენს, სავაჭრო ცენტრ — ჯითისის ფილიალს ახალ სიცოცხლეს სძენს.

კარფურის კოლმეურნეობის ფილიალის განახლებული კონცეფცია ძველი ბაზრის ისტორიას ჰყვება. საუკუნოვანი გამოცდილების თანამედროვე სტანდარტებთან შერწყმა მთავარი გამოწვევა იყო, რომელიც შემოქმედებითი მიდგომებით, საბოლოოდ, უნიკალურ პროექტად იქცა. კარფურის ფილიალის რემოდელინგი ურბანული განვითარებისთვის მნიშვნელოვანი გადაწყვეტილებაა.

დღეს, მსგავსი კონცეფციის შენობები, რომლებიც სენტიმენტალურ მოგონებებს გააცოცხლებს და თბილისზე ძველ ამბებს მოჰყვება, თითქმის აღარ არსებობს. ისინი მხოლოდ არქივშია და კიდევ ისტორიებად შემორჩა მეხსიერებას იმდროინდელი ეპოქის ესთეტიკა.

ფოტო: კარფური

“სრულყოფილი კონცეფციის მისაღებად ჩვენ ჩავატარეთ კვლევა, მაქსიმალურად ყველა წყაროდან მოვიძიეთ ინფორმაცია იმ დროინდელ ტენდენციებზე. გამოკვეთილი მოტივები კი გამოვიყენეთ და დავაინტეგრირეთ ბრენდის იდენტობასთან,” — გივი მაჭავარიანი, არქიტექტორი.

არქიტექტორმა და დიზაინერმა — მოზაიკა, კერამიკა, მინანქარი, ძველი აგური და ბეტონი გამიზნულად შეინარჩუნეს ინტერიერში, რათა შექმნილიყო გარემო, რომელიც სტუმრებს იმ დროის განწყობას ახსენებს და საუკეთესო ემოციებს უბრუნებს. ავთენტურობის ეს განცდა კი გადამწყვეტ როლს ასრულებს სასიამოვნო სავაჭრო გამოცდილების უზრუნველყოფაში.

ფოტო: კარფური

“ერთ-ერთ ისტორიულ კვლევაში ძალიან საინტერესო დეტალი აღმოვაჩინეთ. რეკონსტრუქციის დროს ვიტრაჟების დანაყოფები შეუცვლიათ. ამან იდენტობა დააკარგინა შენობას. შემინვის მსგავსი სტილი კარგად ასახავს ეპოქის ხასიათს, ამიტომაც პირვანდელი იერსახე დავუბრუნეთ.” — თენგიზ ალავერდაშვილი, არქიტექტორი

კარფურის კოლმეურნეობის ფილიალის რეკონსტრუქცია, რომელიც წლის ბოლოს დასრულდება, მაგალითია — როგორ შეიძლება კომერციული სივრცე იქცეს ქალაქის კულტურული მეხსიერების ნაწილად. ეს ინიციატივა ეხმარება ბრენდს დაამყაროს ემოციური კავშირი მომხმარებელთან და შეუქმნას განსაკუთრებული შოპინგის გამოცდილება — ერთ სივრცეში არსებული ყველა საჭირო პროდუქტით, თვითმომსახურების სალაროებითა და ლოიალობის პროგრამა — მაი ქლაბით. ბრენდის მიზანია, მაღალი ხარისხის პროდუქციის ფართო არჩევანი მომხმარებელს ყველაზე ხელმისაწვდომ ფასად მიაწოდოს და შექმნას დაუვიწყარი მომენტები ყველასთვის, ყოველდღე.