საინფორმაციო ცენტრი ნატო-სა და ევროკავშირის შესახებ უქმდება და ცენტრი რეორგანიზაციის შედეგად საგარეო საქმეთა სამინისტროს შეუერთდება. ამის შესახებ IPN-ს ოცნების ხელისუფლების საგარეო საქმეთა სამინისტროში უთხრეს.

დღეს "საინფორმაციო ცენტრის ნატოსა და ევროკავშირის შესახებ" ქვემო ქართლის რეგიონის წარმომადგენელმა, თემურ სუყაშვილმა გაავრცელა ინფორმაცია იმის შესახებ, რომ სამსახურიდან გათავისუფლების შესახებ წერილი მიიღო, რომლის მიხედვითაც გათავისუფლების მიზეზი საინფორმაციო ცენტრის ლიკვიდაციაა.

წერილში, რომელსაც თემურ სუყაშვილი აქვეყნებს წერია, რომ ოცნების ხელისუფლების საგარეო საქმეთა მინისტრის, ხათუნა თოთლაძის 2025 წლის 29 მაისის მოხსენებითი ბარათის საფუძველზე, 2025 წლის 1-ელი ივლისიდან იგეგმება საჯარო სამართლის იურიდიული პირის — "საინფორმაციო ცენტრის ნატოსა და ევროკავშირის შესახებ" ლიკვიდაცია და, აღნიშნულიდან გათვალისწინებით, ერთი თვით ადრე აფრთხილებენ სამსახურიდან გათავისუფლების შესახებ.