შვედეთის პირველი ქალი პრემიერმინისტრი, მაგდალენა ანდერსონი არჩევიდან 12 საათზე ნაკლებ დროში გადადგა. ინფორმაციას ამის შესახებ Reuters ავრცელებს.

მედიის ცნობით, ამის მიზეზი გახდა ის, რომ მისმა პარტნიორმა მწვანეთა პარტიამ ორპარტიული კოალიცია დატოვა, რაც ანდერსონის მიერ შემუშავებული ბიუჯეტის პროექტი ჩავარდა. ამის ნაცვლად, პარლამენტმა მხარი დაუჭირა ოპოზიციის მიერ წარმოდგენილ საბიუჯეტო პროექტს.

"არსებობს კონსტიტუციური პრაქტიკა, რომლის თანახმადაც კოალიციური მთავრობა უნდა გადადგეს, როცა ერთ-ერთი პარტია მას ტოვებს. არ მინდა ის მთავრობა ვმართო, რომლის ლეგიტიმაციაც კითხვის ნიშნის ქვეშ დადგება", — განაცხადა ანდერსონმა.

გამოცემის ცნობით, ანდერსონი იმედოვნებს, რომ პრემიერმინისტრი კვლავ გახდება, თუმცა ამჯერად, როგორც ერთპარტიული მთავრობის ლიდერი.