ჯანდაცვის სამინისტროს ინფორმაციით, 8 ნოემბიდან, ანუ მას შემდეგ, რაც ვაქცინაციის მსურველი პენსიონერებისთვის ფინანსური წახალისების იდეა გაჟღერდა 60 წელს გადაცილებული 19 290 მოქალაქე აიცრა. უწყების ცნობით, ბოლო პერიოდში ამ ასაკობრივ კატეგორიაში ვაქცინაციის ტემპი მკვეთრად გაიზარდა.

"თუ შევადარებთ ოქტომბრისა და ნოემბრის მონაცემებს, განსხვავება აშკარაა. მაგალითად, 7 ნოემბრიდან, შიდა ქართლის რეგიონში, 60 და ზემოთ ასაკობრივ ჯგუფში, ვაქცინაციის პროცესში მოქალაქეთა აქტივობის 697,39%-იანი ზრდა დაფიქსირდა, 586,11%-იანი ზრდაა რაჭა-ლეჩხუმ-ქვემო სვანეთში, ხოლო გურიაში, ამავე ასაკობრივ ჯგუფში, 568,18%-ით მეტი ადამიანი აიცრა", — აცხადებენ ჯანდაცვის სამინისტროში.

ფოტო: ჯანდაცვის სამინისტრო

8 ნოემბერს, პრემიერმინისტრმა ირაკლი ღარიბაშვილმა განაცხადა, რომ თითოეული პენსიონერი, რომელიც ვაქცინაციას პირველ იანვრამდე ჩაიტარებს, ერთჯერად 200-ლარიან საპენსიო დანამატს მიიღებს. ჯანდაცვის მინისტრის მოადგილემ, თამარ გაბუნიამ განმარტა, ეს პროგრამა შეეხება იმ პენსიონერებს, რომლებიც აქამდე არ აიცრნენ და ეს წახალისების მექანიზმია.

გაიგე მეტი: