საზოგადოებრივი მაუწყებლის ახალი საეთერო სეზონისთვის გადაცემებს 12-კაციანი კომისია შეარჩევს. ამის შესახებ ინფორმაცია საზოგადოებრივი მაუწყებლის ვებ-გვერდზე გავრცელდა.

კომისიას უხელმძღვანელებს საზოგადოებრივი მაუწყებლის მედიაწარმოების ბლოკის დირექტორი პაატა ქურდაძე.

კომისიის შემადგენლობაში შედიან მოწვეული ექსპერტები:

  • დრამატურგი - თამარ ბართაია;
  • სოციოლოგი - იაგო კაჭკაჭიშვილი;
  • მედიაკრიტიკოსი - დავით ბუხრიკიძე;
  • სცენარისტი, რეჟისორი - სოფო ბაბლუანი;
  • თეო მაზმიშვილი - წარმოებისა და ტექნიკური უზრუნველყოფის ბლოკის დირექტორი;
  • რუსუდან მანჯგალაძე - სატელევიზიო არხების ხელმძღვანელი;
  • კოტე ჯანდიერი - დოკუმენტური ფილმების სტუდიის ხელმძღვანელი;
  • თემურ გოგოლაძე - წარმოების დეპარტამენტის უფროსი;
  • კახაბერ ბუხრაშვილი - ვიზუალური გაფორმების სამსახურის უფროსი;
  • რუსუდან ახვლედიანი- კვლევისა და ანალიტიკის სამსახურის სოციოლოგი;
  • თამარ კაციტაძე - ონლაინ მედია ხელმძღვანელი.

კომისიამ პირველი შეხვედრა დღეს გამართა. როგორც საზოგადოებრივს მედიისა და კომუნიკაციის ბლოკის ხელმძღვანელმა თინათინ ბერძენიშვილი განაცხადა, კონკურსი 3 აპრილს გამოცხადდება.

მისივე ინფორმაციით, ე.წ. პილოტების ჩაბარებისთვის 20 დღიანი ვადაა დაწესებული, ხოლო საუკეთესო გადაცემების დაახლოებით ივნისის თვისთვის შეირჩევა, ეთერში კი სექტემბრიდან გავა.