ულამაზესი ბიბლიოთეკები და წიგნის მაღაზიები ღია ცის ქვეშ

გაზაფხულის მოსვლასთან ერთად გარეთ, მზიან ამინდში წიგნების წაკითხვის სურვილიც დიდია. რა ჯობია, სადმე ჩრდილში, ბალახზე წამოწოლას და საყვარელი ან სულაც ახალი წიგნის კითხვას?

ბუნებაში კითხვა თითქმის ყველა მკითხველს უყვარს და სწორედ ამიტომ მსოფლიოს სხვადასხვა ადგილებში ღია ცის ქვეშა ბიბლიოთეკები და წიგნის მაღაზიები იხსნება.

ბუქიარდი

ეს ბიბლიოთეკა მასიმო ბარტოლინის მიერ ბელგიის ხელოვნების ფესტივალისთვის შეიქმნა. სტუმრებს შეუძლიათ დაათვალიერონ და აირჩიონ სასურველი წიგნები.

სიდნეის სანაპიროს ბიბლიოთეკა

გარე ბიბლიოთეკა სიდნეის სანაპიროზე, რომელიც, სამწუხაროდ, მხოლოდ ერთი დღის განმავლობაში იყო მოწყობილი.

ეკატერინბურგის ბიბლიოთეკა

ეს უფასო ბიბლიოთეკაა, რომელიც რუსეთში, ეკატერინბურგის ცენტრში, ყოველ ზაფხულს იხსნება.

პატარა გარე ბიბლიოთეკა

მოკრძალებული ბიბლიოთეკა გერმანიაში, იბერლინგენის პარკში.

მაღაზია ღია ცის ქვეშ

ლეგენდარული გარე მაღაზია უელსში.

მაღაზია ლეიდენში

ორიგინალურად მოწყობილი ღია ცის ქვეშა წიგნის მაღაზია ლეიდენში, ჰოლანდია.

ბუკინისტური წიგნები

გამორჩეული ბუკინისტური წიგნები, პარიზის ქუჩებში.

ბართის წიგნები

და ბოლოს, რა თქმა უნდა ბართის წიგნების მაღაზია, რომელიც მსოფლიოში გამორჩეულია თავისი სიდიდით და დღემდე ფუნქციონირებს.

სამწუხაროდ საქართველოში მსგავსი ბიბლიოთეკებითა და მაღაზიებით განებივრებულები არ ვართ, თუ პარიზის მსგავსად, ჩვენთან არსებულ ქუჩის ბუკინისტებს არ ჩავთვლით. იმედია, მომავალში ასეთი მაღაზიები და ბიბლიოთეკები საქართველოს ქუჩებშიც გამოჩნდება.

ბოლო ამბები:

გირჩევთ