ვთქვით უარი სესხზე, რომელზეც რისკი იყო, რომ არ ჩამორიცხულიყო — მინისტრის მოადგილე ევროკავშირის დახმარებაზე
ფინანსთა მინისტრის პირველი მოადგილის, გიორგი კაკაურიძის განცხადებით, ევროკავშირის მაკროფინანსურ დახმარებაზე მთავრობამ იმიტომ თქვა უარი, რომ არსებობდა რისკი, EU-ს 75 მილიონიანი ტრანში არ ჩამორიცხულიყო. თუმცა კაკაურიძე ხაზს უსვამს, რომ ეს გადაწყვეტილება მთავრობამ იმ პრიორიტეტის ფარგლებში მიიღო, რომლის მიხედვითაც საგარეო ვალი უნდა შემცირდეს. ამის შესახებ მინისტრის მოადგილემ პარლამენტში გამართულ სხდომაზე ისაუბრა, სადაც კაკაურიძეს ლელოს წარმომადგენლები უსმენენ.
აქამდე მთავრობა ამტკიცებდა, რომ EU-ს მაკროფინანსურ დახმარებაზე უარის თქმის მოტივი მხოლოდ საგარეო ვალის შემცირების პრიორიტეტულობა იყო.
გიორგი კაკაურიძემ ვრცლად განმარტა, რომ ბიუჯეტის მხარდამჭერი კრედიტები, რომელთა მიღების პირობაც კონკრეტული რეფორმების გატარებაა, ქვეყნისთვის ძალიან მნიშვნელოვანია. როგორც ცნობილია, EU-ს მაკროფინანსური დახმარება სწორედ ასეთი დაბალპროცენტიანი კრედიტი იყო.
კაკაურიძის თქმით, რეფორმების დიდი ნაწილი, რომელიც მაკროფინანსური დახმარების აღებას ედო წინაპირობად, შესრულდა, თუმცა ევროკავშირის წარმომადგენლობა აცხადებდა, რომ სასამართლოსთან დაკავშირებული რეფორმა არ იყო შესრულებული.
"ბიუჯეტის მხარდამჭერი კრედიტები არის ყოველთვის მნიშვნელოვანი არა მხოლოდ იმიტომ, რომ ბიუჯეტის გარკვეული ხარჯების დასაფინანსებლად გვჭირდება, არამედ იმიტომ, რომ ეს თანხა მოყვება რეფორმებს და ეს რეფორმები მნიშვნელოვანია ჩვენი ეკონომიკური განვითარებისთვის.
ევროკავშირის თანხაც იყო ერთ-ერთი ის კომპონენტი, რომელიც მოყვებოდა რეფორმებს. დაახლოებით 10-12 სხვადასხვა მიმართულების რეფორმები იყო ჩამოთვლილი და ყველა მათგანი არის შესრულებული. დარჩა მხოლოდ ერთი ნაწილი, რომელზეც, ყოველ შემთხვევაში აქაური ექსპერტები თვლიან, რომ შესრულდა, რაც ეწერა ამ ხელშეკრულებაში, თუმცა ევროკავშირის წარმომადგენლობა აცხადებდა, რომ გარკვეული პირობები არ არის შესრულებული და შინაარსობრივად არ შეიცავდა იმ რეფორმას, რომელი რეფორმაც იგულისხმებოდა.
ევროკავშირის სესხს პირობები ნამდვილად კარგი აქვს, თუმცა არის სესხი და დასაბრუნებელია ეს თანხა. პირობების კუთხით, ბევრ სესხთან მიმართებაში უკეთესი პირობები აქვს.
როდესაც დადგა საკითხი, რომ ამ სესხის აღებას შესაძლებელია რაიმე პრობლემა შექმნოდა, მიღებულ იქნა გადაწყვეტილება, რომ გვეთქვა იმ სესხზე უარი, რომელზეც რისკი არსებობდა, რომ არ ჩამოირიცხებოდა", — განაცხადა გიორგი კაკაურიძემ.
კაკაურიძე იმასაც ამბობს, რომ ადრეც ყოფილა შემთხვევები, როდესაც რეფორების გაუტარებლობის გამო გარკვეული გრანტების ნაწილი ქვეყანას ვერ მიუღია.
"სამწუხაროდ, მანამდეც ყოფილა, როცა გრანტის ნაწილი ვერ მიგვიღია გარკვეული რეფორმების გაუტარებლობის გამო. გრანტი შედარებით ცოტა არის, მაგრამ იყო 5 მილიონი, 7 მილიონი, გრანტი ვერ მივიღეთ — სრულად ვერ მივიღეთ გრანტები იმიტომ, რომ გარკვეული რეფორმები ვერ გატარდა და ეს, რა თქვა უნდა, არ არის კარგი არა მხოლოდ იმიტომ, რომ გრანტი დავკარგეთ, არამედ იმიტომაც, რომ ის რეფორმები ვერ მივიყვანეთ ბოლოში", — განაცხადა კაკაურიძემ.
ფინანსთა მინისტრის პირველმა მოადგილემ საგარეო ვალის მოცულობაზეც ისაუბრა და თქვა, რომ მთლიან ვალში საგარეო სესხების წილი დიდია და მთავრობა ცდილობს, ვალის მოცულობა შეამციროს.
"მთლიან ვალში საგარეო ვალის წილი არის 80%. საგარეო ვალის მაჩვენებელი დღეს ჩვენი ეკონომიკისთვის არის საკმაოდ მაღალი და ჩვენი ყველა მცდელობა უნდა იყოს იქით, რომ ეს ვალი შევამციროთ.
რაც შეეხება ევროკავშირის ნაწილზე და უშუალოდ, წლევანდელ და მომდევნო წლებში ვალის აღებაზე — ჩვენ წელსაც უკვე ხელმოწერილი დოკუმენტების ფარგლებში მოგვიწევს რაღაცებზე უარის თქმა კიდევ. მათ შორის, უკვე რატიფიცირებული დოკუმენტების ცვლილებას წარმოვადგენთ.
ეს არ ნიშნავს, რომ ახალ ვალს აღარ ავიღებთ. ჩვენ ყოველწლიურად ავიღებთ საფინანსო ინსტიტუტებიდან ვალს, როგორც კონკრეტული პროექტების დასაფინანსებლად, ასევე ბიუჯეტის მხარდამჭერი კრედიტებისთვის", — განაცხადა გიორგი კაკაურიძემ.
კაკაურიძე განსაკუთრებით ხაზს უსვამს, რომ რეფორმებზე დაფუძნებული ხელშეკრულებები ქვეყნისთვის ძალიან მნიშვნელოვანია. მისი თქმით, მთავრობა მომდევნო წლებშიც წარმოადგენს მსგავსი ტიპის სასესხო ხელშეკრულებებს, რომელთა პირობებიც იქნება თითქმის იგივე, რაც ევროკავშირის მაკროფინანსური დახმარების ნაწილში იყო.
ევროკავშირის მაკროფინანსური მხარდაჭერის პაკეტი დაბალპროცენტიანი სესხია, რომელიც საქართველოს ბიუჯეტს მხარდაჭერის მიზნით გამოეყო. ის 150 მილიონ ევროს მოიცავდა და მისი ერთი ნაწილი ქვეყანამ გასული წლის ნოემბერში მიიღო. მეორე ნაწილის, 75 მილიონი ევროს მიღებას წინაპირობები ახლდა, რომელიც საქართველოსა და ევროკავშირს შორის გაფორმებულ მემორანდუმში გაიწერა. წინაპირობების დიდი ნაწილი სასამართლოს რეფორმას ეხებოდა.
31 აგვისტოს საქართველოს მთავრობამ ევროკავშირის მაკროფინანსური დახმარების მიღებაზე უარი განაცხადა. მაშინ პრემიერმინისტრი, ირაკლი ღარიბაშვილი EU-ს დახმარების მიღებაზე უარის თქმის მიზეზად საგარე ვალის შემცირების აუცილებლობას ასახელებდა. ის ამბობდა, რომ მთავრობამ უკვე დაიწყო საგარეო ვალის შემცირება და ევროკავშირის მაკროფინანსური დახმარების მიღების აუცილებლობა აღარ არსებობდა. ამას მოჰყვა ევროკავშირის წარმომადგენლობის სპეციალური ბრიფინგი, სადაც ითქვა, რომ საქართველომ ვერ შეძლო საკმარისად შეესრულებინა დახმარების მიღების პირობა.
მაშინ გაჩნდა მოსაზრება, რომ მთავრობა ცდილობდა მოვლენებისთვის დაესწრო და აღნიშნულ პაკეტზე ევროკავშირისთვის მანამდე ეთქვა უარი, ვიდრე ის თავად შეწყვეტდა მხარდაჭერის გაგრძელებას და უარს განაცხადებდა დარჩენილი თანხის, 75 მილიონი ევროს გადმორიცხვაზე. ფინანსთა მინისტრის მოადგილის, გიორგი კაკაურიძის დღევანდელმა განცხადებამ კი პრაქტიკულად დაადასტურა, რომ მთავრობა განიხილავდა რისკს, რომ EU-ს 75 მილიონიანი ტრანში არ ჩაირიცხებოდა.
გაიგეთ მეტი:
-
გადახედვაახალგაზრდული ორგანიზაციები დღეს საპროტესტო აქციას გამართავენ ახალგაზრდული ორგანიზაციები დღეს საპროტესტო აქციას გამართავენ
-
გადახედვაშინაგან საქმეთა სამინისტროს განცხადებით, აქციებს საერთაშორისო სტანდარტებით შლიან შინაგან საქმეთა სამინისტროს განცხადებით, აქციებს საერთაშორისო სტანდარტებით შლიან
-
გადახედვა"გავათენოთ საქართველოსთვის" — 12 მაისის ღამეს აქცია დაიგეგმა "გავათენოთ საქართველოსთვის" — 12 მაისის ღამეს აქცია დაიგეგმა
-
გადახედვაროგორ მოქმედებს ბრაზი გულზე — კვლევა როგორ მოქმედებს ბრაზი გულზე — კვლევა
-
გადახედვალადო აფხაზავაზე თავდასხმის ფაქტზე, ერთ პირს ბრალდება წარედგინა ლადო აფხაზავაზე თავდასხმის ფაქტზე, ერთ პირს ბრალდება წარედგინა
-
გადახედვაირაკლი ეძგვერაძე: რუსულმა რეჟიმმა, აღდგომა დღეს, ჩემთან სახლში, სადაც ჩემი მცირეწლოვანი შვილები იყვნენ, მოგვიგზავნა "ტიტუშკები" და ზონდერები ირაკლი ეძგვერაძე: რუსულმა რეჟიმმა, აღდგომა დღეს, ჩემთან სახლში, სადაც ჩემი მცირეწლოვანი შვილები იყვნენ, მოგვიგზავნა "ტიტუშკები" და ზონდერები
-
გადახედვაფანები Met Gala-ს ფოტოგრაფებს Stray Kids-ის მიმართ უხეშ მოპყრობაში ადანაშაულებენ ფანები Met Gala-ს ფოტოგრაფებს Stray Kids-ის მიმართ უხეშ მოპყრობაში ადანაშაულებენ
-
გადახედვაროთი: 13-15 მაისს ვეწვევი ევროპის ნამდვილ დედაქალაქს, თავისუფლებისა და დემოკრატიის ქალაქ თბილისს როთი: 13-15 მაისს ვეწვევი ევროპის ნამდვილ დედაქალაქს, თავისუფლებისა და დემოკრატიის ქალაქ თბილისს
-
გადახედვა"ვგმობთ აქტივისტებზე და მედიის წარმომადგენლებზე ძალადობას და მოვითხოვთ რეაგირებას!" — ეროვნული პლატფორმა "ვგმობთ აქტივისტებზე და მედიის წარმომადგენლებზე ძალადობას და მოვითხოვთ რეაგირებას!" — ეროვნული პლატფორმა
-
გადახედვაჩვენი მეცნიერება და განათლება დაბრუნდება 90-იანებში — ნანა დიხამინჯია რუსულ კანონზე ჩვენი მეცნიერება და განათლება დაბრუნდება 90-იანებში — ნანა დიხამინჯია რუსულ კანონზე
-
გადახედვაკულტურის სამინისტრო "არილს" აღარ დააფინანსებს — ჟურნალის გამოცემა წყდება კულტურის სამინისტრო "არილს" აღარ დააფინანსებს — ჟურნალის გამოცემა წყდება
-
-
გადახედვაჟურნალი არილი: გამოცემა, ამ ეტაპზე, სამწუხაროდ, წყდება! თეა წულუკიანმა თავისი რეპრესიული პოლიტიკა არილისთვის დაფინანსების შეწყვეტით გააგრძელა ჟურნალი არილი: გამოცემა, ამ ეტაპზე, სამწუხაროდ, წყდება! თეა წულუკიანმა თავისი რეპრესიული პოლიტიკა არილისთვის დაფინანსების შეწყვეტით გააგრძელა
-
-
-
გადახედვანეტფლიქსმა სერიალ Wednesday-ის მე-2 სეზონის გადაღებები დაიწყო ნეტფლიქსმა სერიალ Wednesday-ის მე-2 სეზონის გადაღებები დაიწყო
-
გადახედვასუს-მა რუსული კანონის საწინააღმდეგო მშვიდობიანი დემონსტრაციების შესახებ განცხადება გაავრცელა სუს-მა რუსული კანონის საწინააღმდეგო მშვიდობიანი დემონსტრაციების შესახებ განცხადება გაავრცელა
-
გადახედვაპაპუაშვილი: ადამიანები რასაც ერიდებიან საჯარო განცხადებებში, იმას არ ერიდებიან კერძო საუბრებში... მნიშვნელოვანია, ეს ადამიანებიც დაფიქრდნენ პაპუაშვილი: ადამიანები რასაც ერიდებიან საჯარო განცხადებებში, იმას არ ერიდებიან კერძო საუბრებში... მნიშვნელოვანია, ეს ადამიანებიც დაფიქრდნენ
-
გადახედვაქართული ოცნება შექმნის ბაზას, სადაც განათავსებენ ინფორმაციას მათზე, ვინც სოციალურ ქსელებში მთავრობისთვის მიუღებელ ინფორმაციას იწონებს ქართული ოცნება შექმნის ბაზას, სადაც განათავსებენ ინფორმაციას მათზე, ვინც სოციალურ ქსელებში მთავრობისთვის მიუღებელ ინფორმაციას იწონებს
-
გადახედვამადონამ ტურნე უფასო კონცერტით დაასრულა, რომელსაც 1,6 მილიონი ფანი დაესწრო მადონამ ტურნე უფასო კონცერტით დაასრულა, რომელსაც 1,6 მილიონი ფანი დაესწრო
-
გადახედვანახეთ: მეცნიერებმა მდედრი ნეანდერტალელის სახე აღადგინეს ნახეთ: მეცნიერებმა მდედრი ნეანდერტალელის სახე აღადგინეს
კომენტარები