რა მოხდა: კასპის მუნიციპალიტეტში, სოფელ კავთისხევში, მდინარემ კავთურამ გაიტაცა მანქანა, რომელშიც სამი ადამიანი იმყოფებოდა.

  • ინფორმაცია On.ge-ის საგანგებო სიტუაციების მართვის სამსახურმა დაუდასტურა.

დეტალები: მაშველებმა ერთი ადამიანი გარდაცვლილი იპოვეს, მეორე ადამიანი გადარჩა, ხოლო მესამეს, ამ დრომდე ეძებენ.

  • უწყებაში On.ge-ის უთხრეს, რომ ადგილზე მიმდინარეობს ძებნა-შველის ოპერაცია.

მთავარის ინფორმაციით, დაღუპულის ცხედარი უკვე სახლშია გადასვენებული. დაღუპული და დაკარგული ბიძაშვილები არიან.

  • მომხდარზე შსს-მ გამოძიება 116-ე მუხლის პირველი ნაწილით დაიწყო, რაც გაუფრთხილებლობით სიცოცხლის მოსპობას გულისხმობს.