მოკლედ: ამ დროისთვის უცნობი პირები ფიზიკურად დაესხნენ თავს ინფორმაციის თავისუფლების განვითარების ინსტიტუტის (IDFI) აღმასრულებელ დირექტორს, გიორგი კლდიაშვილსა და ტელეკომპანია ფორმულას გადამღებ ჯგუფს.

  • შემთხვევა რამდენიმე წუთის წინ, შვედეთის საელჩოსთან მოხდა.
  • მათზე ფიზიკურ თავდასხმა იმ დროს მოხდა, როდესაც ტელეარხი გიორგი კლდიაშვილთან სატელევიზიო კომენტარს წერდა.
  • დეტალებისთვის On.ge-მ მიმართა IDFI-ს, სადაც გვითხრეს, რომ თავდამსხმელთა ვინაობის შესახებ ინფორმაცია ამ დროისთვის არ აქვთ.

ფორმულა: "თავდამსხმელი მანქანით იმყოფებოდა და მას ხელში მინის ბოთლი ეჭირა. ის ჟურნალისტებს შეურაცხყოფას აყენებდა."

ფონი: დღეს, 7 მაისს, ზოგიერთი აქტივისტი, ჟურნალისტი და რუსული კანონის საწინააღმდეგო აქციის მონაწილე აცხადებს, რომ მათ უცნობი, უკრაინული ნომრიდან ურეკავენ და ფიზიკური თავდასხმით ემუქრებიან.

  • 5 მაისს, ლანჩხუთში, ასევე ფიზიკურად დაესხნენ თავს მასწავლებლის ეროვნული ჯილდოს მფლობელს, ლადო აფხაზავას, საკუთარ სახლთან. აფხაზავას თქმით, თავდასხმის დროს, 20 წლის შვილთან ერთად იყო.
  • 3 მაისს, ფიზიკურად გაუსწორდნენ მოქალაქეს ცირკთან, გმირთა მოედანზე მიმდინარე საპროტესტო აქციის ღამეს.