ახალი ამბები On.ge

ღია მმართველობის პარტნიორობა

8 მაი, 2024

ღია მმართველობის პარტნიორობა (OGP) მოუწოდებს საქართველოს მთავრობას გაიწვიოს უცხოური გავლენის გამჭვირვალობის შესახებ კანონპროექტი, წინააღმდეგ შემთხვევაში, შესაძლოა, ქვეყანას OGP-ის წევრობა შეუწყდეს.

OGP-ის შეფასებით, პარლამენტში ინიციირებული კანონი დისკრიმინაციულია, ახდენს სტიგმატიზაციას და ზღუდავს სამოქალაქო საზოგადოების, მედიის და მოწყვლადი ჯგუფების გამოხატვისა და გაერთიანების თავისუფლებას.

ბოლო წლებში საქართველოს მთავრობამ არაერთხელ ღიად დაადასტურა OGP-ის ფუნდამენტურ ღირებულებებთან შეუსაბამობა არა მხოლოდ "რუსული კანონის" მხარდაჭერით, არამედ სასამართლო სისტემის დამოუკიდებლობის შელახვით, სამოქალაქო საზოგადოების ორგანიზაციებზე, უფლებადამცველებსა და კრიტიკული მედიის წარმომადგენლებზე ღია თავდასხმითა და მათი საქმიანობის შეზღუდვის მცდელობებით, პირადი ცხოვრების ხელშეუხებლობის პრინციპის დარღვევითა თუ საჯარო ინფორმაციაზე ხელმისაწვდომობის შეზღუდვით.

მთავრობის მიერ OGP-ის ძირითადი ღირებულებებისა და პრინციპების უხეშად დარღვევის გამო, ღია მმართველობის უწყებათაშორისი საკოორდინაციო საბჭოს წევრი არასამთავრობო ორგანიზაციების მიმართვის საფუძველზე, OGP-ის საერთაშორისო სამდივნომ "რეაგირების მექანიზმი" (OGP Response Policy) აამოქმედა. აღნიშნული მექანიზმი მიზნად ისახავს OGP საერთაშორისო სამდივნოს, პარტნიორი დონორი თუ საერთაშორისო ორგანიზაციების გაზრდილ ჩართულობას შექმნილი კრიზისის მოგვარებაში.

OGP-იმ შეისწავლა სამოქალაქო საზოგადოების მიმართვა და დაადგინა, რომ მთავრობის ქმედებები შეუსაბამოა OGP-ის ღირებულებებსა და პრინციპებთან. მთავრობას 30 დღიანი ვადა აქვს წარადგინოს კონკრეტული გეგმა, თუ როგორ გადაჭრის "რეაგირების მექანიზმის" ფარგლებში გამოვლენილ პრობლემებს, რომელთა შორისაა პარლამენტში ინიციირებული " რუსული კანონი".

ღია მმართველობის უწყებათაშორისი საკოორდინაციო საბჭოს წევრი სამოქალაქო საზოგადოების ორგანიზაციები კიდევ ერთხელ მოვუწოდებთ მთავრობას გაიწვიოს "რუსული კანონი", რომელიც შეუთავსებელია ევროკავშირის სამართლებრივ სისტემასთან, ადამიანის უფლებათა ევროპულ კონვენციასთან და ასევე OGP-ის ფუნდამენტურ ღირებულებებთან.

  • ეკონომიკური პოლიტიკის კვლევის ცენტრი (EPRC)
  • ინფორმაციის თავისუფლების განვითარების ინსტიტუტი (IDFI)
  • მწვანე ალტერნატივა
  • საერთაშორისო გამჭვირვალობა - საქართველო (TI)
  • სამოქალაქო საზოგადოების ინსტიტუტი (CSI)
  • საქართველოს ახალგაზრდა იურისტთა ასოციაცია (GYLA)
  • სოციალური სამართლიანობის ცენტრი (SJC)
  • პარტნიორობა საგზაო უსაფრთხოებისთვის

კომენტარები

კვირის ტოპ-5

  1. "ქართული ოცნების" დეპუტატმა, მარიამ ლაშხმა აქტივისტებს შეურაცხყოფისთვის უჩივლა9175 ნახვა
  2. ვაკეში საავტომობილო მოძრაობა 4 თვით შეიზღუდება5513 ნახვა
  3. უნგრეთის პარლამენტმა დაამტკიცა კანონპროექტი, რომელიც უნგრეთის ICC-დან გასვლას ითვალისწინებს5121 ნახვა
  4. ლავროვი: ზელენსკი მოითხოვდა, რომ პუტინი პირადად ჩასულიყო — ჰო, საცოდავი ადამიანია2936 ნახვა
  5. როგორ აღნიშნეს "ქართული ოცნების" წარმომადგენლებმა ოჯახის სიწმინდის დაცვის დღე2273 ნახვა

გირჩევთ

ახლა კითხულობენ

გადახედვა

აზერბაიჯანის ცესკოს თავმჯდომარის შვილს ოჯახში ძალადობაში ადანაშაულებენ

აზერბაიჯანული პროსამთავრობო გამოცემა Haqqin.az-მა სტატია გამოაქვეყნა, რომელშიც აზერბაიჯანის ცენტრალური საარჩევნო…

!"\#$%&'()*+,-./0123456789:;<=>?@ABCDEFGHIJKLMNOPQRSTUVWXYZ[]^_`abcdefghijklmnopqrstuvwxyz{|}~
!"\#$%&'()*+,-./0123456789:;<=>?@ABCDEFGHIJKLMNOPQRSTUVWXYZ[]^_`abcdefghijklmnopqrstuvwxyz{|}~
!"\#$%&'()*+,-./0123456789:;<=>?@ABCDEFGHIJKLMNOPQRSTUVWXYZ[]^_`abcdefghijklmnopqrstuvwxyz{|}~
!"\#$%&'()*+,-./0123456789:;<=>?@ABCDEFGHIJKLMNOPQRSTUVWXYZ[]^_`abcdefghijklmnopqrstuvwxyz{|}~