თბილისის მერიის ზედამხედველობის საქალაქო სამსახურის წარმომადგენლებმა, ხუდადოვის ქუჩის მიმდებარე ტერიტორიაზე ხეების უკანონო ჭრის ფაქტი გამოავლინეს. ინფორმაციას უწყების პრესსამსახური ავრცელებს.

მათივე ინფორმაციით, ხეების უკანონოდ, დაახლოებით ათას კვადრატულ მეტრზე, იჭრებოდა.

"ადგილზე გამოძახებულია საპატრულო პოლიცია. გარემოსადმი მიყენებულ ზიანს ეკოლოგიისა და გამწვანების საქალაქო სამსახური შეაფასებს. გატარდება კანონით გათვალისწინებული ღონისძიებები," - აღნიშნავენ უწყების პრესსამსახურში.