საქართველოს სახელმწიფო მინისტრის აპარატმა ევროპულ და ევრო-ატლანტიკურ სტრუქტურებში ინტეგრაციის საკითხებში ფეისბუკზე უვიზო მიმოსვლასთან დაკავშირებული საინფორმაციო ვიდეოები აფხაზურ ენაზეც გამოაქვეყნა.

საქართველოს ხელისუფლების წარმომადგენლებმა არაერთხელ განაცხადეს, რომ უვიზო მიმოსვლა მოქმედებს საქათველოს ყველა მოქალაქისთვის, რომელიც ფლობს ბიომეტრიულ პასპორტს, მათ შორის ოკუპირებულ ტერიტორიებზე მცხოვრები მოსახლეობისთვისაც.

ხელისუფლების შეთავაზებას დე-ფაქტო აფხაზეთი ოფიციალური განცხადებით გამოეხმაურა. დე-ფაქტო რესპუბლიკის საგარეო საქმეთა მინისტრმა განაცხადა, რომ საქართველო უვიზო მიმოსვლას აფხაზებისთვის სატყუარად იყენებს.