თბილისობის ღონისძიებები წელსაც ვერ ჩატარდება, კონცერტი კი ისევ ონლაინ გაიმართება. თბილისის მერის, კახა კალაძის თქმით, მიზეზი ქვეყანაში არსებული ეპიდემიოლოგიური მდგომარეობაა.

"ყველაზე მთავარი და მნიშვნელოვანი გახლავთ ადამიანის ჯანმრთელობა, სიცოცხლის უსაფრთხოება და ამიტომ ამ პანდემიიდან გამომდინარე, ვერც წელს გავმართავთ სადღესასწაულო ღონისძიებებს.

მინდა გითხრათ, რომ გვექნება საპატიო თბილისელების დაჯილდოების ცერემონია და ასევე ონლაინ რეჟიმში, ანუ, პირდაპირ ეთერში გექნებათ შესაძლებლობა, ნახოთ კონცერტი, რომელიც გაიმართება" — განაცხადა კალაძემ თბილისის მთავრობის სხდომაზე.

თბილისობის ღონისძიებებთან დაკავშირებით მერიამ წინა წელსაც იგივე გადაწყვეტილება მიიღო.