"30 კაცი როგორ უნდა დაიცვას სახელმწიფომ, მაშინ უნდა გადაუაროს უმრავლესობას, თუ რა უნდა მომხდარიყო", — აცხადებს პრემიერმინისტრი, ირაკლი ღარიბაშვილი 5 ივლისთან დაკავშირებით.

ღარიბაშვილის თქმით, მის განცხადებას არ წაუხალისებია 5 ივლისს ძალადობა და მან იქ შეკრებილებს, პირიქით, სიმშვიდისკენ მოუწოდა.

"მე განცხადება გავაკეთე 11 საათზე. იგივე განცხადებას გავაკეთებ დღესაც და ყოველთვის, მე ასე მჯერა, რომ ეს შეიცავს საფრთხეს. 10 საათზე 11-ის ნახევარზე ატყდა უკვე იქ უბედურება, დაიწყო შეტაკება და რაღაცები. რა შუაშია აქ ღარიბაშვილის წახალისება და ძალადობა. ეს ხომ მოგონილი ფაქტია. ჩვენ ხომ კარგად ვიცით, მე, პირიქით, მოვუწოდე, რომ დამშვიდდნენ და ა.შ. პირიქით ვუთხარი, რომ დიდი პროვოკაცია მზადდებოდა, გავაფრთხილე ეს ადამიანები, რომ არ გამოსულიყვნენ ქუჩაში. მეორედ შემეკითხებით, რომ რატომ არ დავიცავით ჩვენ, როგორ უნდა დავიცვა, 30 კაცი როგორ უნდა დაიცვას სახელმწიფომ, მაშინ უნდა გადაუაროს უმრავლესობას, თუ რა უნდა მომხდარიყო?. ეს იყო მიზანი იმისა, რომ შეტაკება მომხდარიყო პოლიციასა და დემონსტრანტებს შორის", — აცხადებს ღარიბაშვილი რუსთავი 2-ის ეთერში.