ნაციონალური მოძრაობის ყოფილი წევრი, სალომე სამადაშვილი შარლ მიშელის დოკუმენტზე ხელის მოწერის შესახებ პარტიის გადაწყვეტილებაზე აცხადებს, რომ "სჯობს გვიან, ვიდრე არასდროს".

"19 აპრილს, ჩემი მოთხოვნით მოწვეულ პარტიის პოლიტიკურ საბჭოს ეს გადაწყვეტილება იმ დღესვე რომ მიეღო, ოპოზიცია ბევრად უკეთეს ფორმაში იქნებოდა დღეს", — წერს სამადაშვილი Facebook-ზე.

სამადაშვილმა ენმ სწორედ ხელმოწერასთან დაკავშირებული აზრთა სხვადასხვაობის მიზეზით დატოვა. მან შეთანხმებას ხელი ინდივიდუალურად მოაწერა, დღეს კი ცნობილი გახდა, რომ ენმ დოკუმენტს ხელს მოაწერს.