ცოტა ხნის წინ საზოგადოების აღფრთოვანება ინტერნეტში გავრცელებულმა ვიდეომ გამოიწვია, რომელშიც ჟესტური ენის სპეციალისტი კელი კურდი მეგან თი სტალიონის შოუზე მომღერალის შესრულების პარალელურად ცნობილ სიმღერა WAP-ს თარგმნის. ვიდეო ინტერნეტში ერთ-ერთმა მომხმარებელმა გაავრცელა:

"უკაცრავად, მაგრამ ჟესტური ენის სპეციალისტი, რომელიც მეგანის შესრულების დროს WAP-ს თარგმნიდა, უნდა ნახოთ", — წერს მომხმარებელი.

კელიმ საზოგადოების ყურადღებით ისარგებლა და მის ინსტაგრამზე გადმოსულ მომხმარებლებს ჟესტური ენის მთარგმნელები, მასწავლებლები და კონტენტის შემქმნელები გააცნო.

"მე უბრალოდ თარჯიმანი ვარ, რომელიც გატაცებულია იმ საზოგადოების შესაძლებლობებით უზრუნველყოფით, რომელიც ასე ძალიან მიყვარს და რომლისგანაც ამდენი ვისწავლე...შეიტანეთ წვლილი იმაში, რომ სამყარო მათთვის უფრო ხელმისაწვდომი იყოს და დაურთეთ აღწერა თქვენს კონტენტს. და თუ კიდევ გიკვირთ, თუ რატომ დადიან ყრუ და სმენადაქვეითებული ადამიანები კონცერტებზე, გამოიწერეთ ჩემი გვერდი და ისწავლეთ რაღაც ახალი", — წერს კელი.

კელის ვიდეომ მომხმარებლების განსაკუთრებული სიყვარული დაიმსახურა. ვიდეოს ტვიტერზე 4 მილიონამდე ნახვა და 270 ათასზე მეტი მოწონება აქვს.