26 თებერვალს, პარიზში, რიგით 51-ე César Awards-ზე, ყველასთვის საყვარელმა მსახიობმა, ჯიმ კერიმ, საპატიო ჯილდო მიიღო. მას პრიზი იმ დაუვიწყარი პერსონაჟების შექმნისთვის გადაეცა, რომლებიც უკვე პოპკულტურის განუყოფელ ნაწილად იქცნენ.

64 წლის მსახიობი ღონისძიებაზე სრულიად შავი სამოსით წარსდგა — მას კლასიკური შავი პიჯაკი და პერანგი ეცვა, ჰალსტუხის მაგივრად კი შავი ბაფთა ეკეთა. კერის ჩაცმულობას მხრებამდე სიგრძის ვარცხნილობა აგვირგვინებდა.

ფოტო: Getty Images

ჯიმის ბოლოდროინდელი სტილის გათვალისწინებით, პარიზული ღონისძიების კადრები მაყურებლისთვის უცხო და უცნაური აღმოჩნდა.

ჯიმ ქერი 2025 წელს

ჯიმ ქერი 2025 წელს

ფოტო: Getty Images

მსახიობის გარეგნობამ ინტერნეტსივრცეში აზრთა სხვადასხვაობა გამოიწვია. სოციალური ქსელების მომხმარებელთა ნაწილი აღნიშნავს, რომ კერი საგრძნობლად შეიცვალა, ზოგიერთი კი უფრო შორსაც მიდის — გაჩნდა ვერსიები იმის შესახებ, რომ დაჯილდოებაზე არა თავად მსახიობი, არამედ მისი კლონი წარსდგა:

კლონების შესახებ თეორიები ინტერნეტსივრცისთვის უცხო არ არის — ეს ხშირად ხდება, როდესაც საზოგადოება ვარსკვლავში ფიზიკურ ცვლილებებს (დაბერებას, პლასტიკურ ქირურგიას ან უბრალოდ ცხოვრებისეულ კვალს) ამჩნევს. ჯიმ კერი მაყურებელს ენერგიითა და იუმორით სავსე ახსოვს, ამიტომაც მისი უფრო მშვიდი და ასაკოვანი ვერსიის ხილვა ბევრისთვის რთული აღმოჩნდა. თუმცა, ფაქტი ისაა, რომ მსახიობს უბრალოდ ასაკი მოემატა და ბუნებრივია, ამ ფაქტორმა გარეგნობის ცვლილებაც გამოიწვია.

ასევე იხილეთ: