სომხეთ-აზერბაიჯანის საზღვარზე მორიგი შეტაკების შედეგად 3 სამხედრო დაიღუპა და 2 დაიჭრა. სომხური მედია თავდაცვის სამინისტროზე დაყრდნობით წერს, რომ მსხვერპლი მათ მხარესაა.

სომხეთის სახალხო დამცველი არმან ტატოიანის ინფორმაციით, შეტევა 28 ივლისს, 03:30 საათზე დაიწყო. მისივე თქმით, აზერბაიჯანელი სამხედროები ესვრიან დასახლებულ პუნქტებს, რის გამოც დაწყებულია მოქალაქეთა და დასაქმებულთა ევაკუაცია.

აზერბაიჯანის თავდაცვის სამინისტრო მომხდარზე პასუხისმგებლობას სომხეთს აკისრებს. საგარეო საქმეთა სამინისტროს პრესპიკერი წერს, რომ აზერბაიჯანი თავის ტერიტორიულ მთლიანობას დაიცავს და ყველა ქმედებას შესაბამის პასუხს გასცემს.

ყარაბაღის კონფლიქტზე სამშვიდობო შეთანხმების მიღწევის მიუხედავად, საბრძოლო მოქმედებები სოხეთ-აზერბაიჯანის საზღვრის ჩრდილო-აღმოსავლეთ ნაწილში ახლაც მიმდინარეობს.