საგანგებო სიტუაციების მართვის სამსახურის ინფორმაციით, ხინოს ხეობაში მაშველები 2 ადამიანს ეძებენ.

"შინაგან საქმეთა სამინისტროს საზოგადოებრივი უსაფრთხოების მართვის ცენტრ "112"-ში შემოვიდა ინფორმაცია, რომ ქობულეთში, ხინოს ხეობაში, ხინოსა და გომის მთებს შორის იმყოფებოდა ორი გზააბნეული მოქალაქე, რომლებიც ვერ ახერხებდნენ უსაფრთხო ადგილზე ჩამოსვლას და ესაჭიროებოდათ მაშველების დახმარება. ერთ-ერთ მათგანს მიღებული ჰქონდა ქვედა კიდურის დაზიანება, რის გამოც მაშველების მისვლამდე, დაკარგულებს მოუწიათ მთებს შორის არსებულ ხევში გაჩერება", — აცხადებენ ისინი.

მათივე ცნობით, პროცესში ჩართულია საჰაერო ძალა, სახანძრო-სამაშველო ძალების დეპარტამენტის 3 ჯგუფი და ექიმები.