პარლამენტის ყოფილი დეპუტატი, გია ჟორჟოლიანი პარტია სოციალ-დემოკრატების თავმჯდომარე აღარ იქნება. ჟორჟოლიანის მიმართვა პარტიის ფეისბუქგვერდით გავრცელდა.

"ჩვენს ქვეყანაში დღეს არსებული საზოგადოებრივ-პოლიტიკური ვითარებიდან გამომდინარე, მიმაჩნია, რომ ჩემი საქმიანობისთვის უფრო შესაფერისი სფერო არის საზოგადოებრივი და აკადემიური საქმიანობა, ვიდრე პრაქტიკული პოლიტიკა", — აცხადებს ჟორჟოლიანი.

ახალი თავმჯდომარის არჩევამდე, მოვალეობის შემსრულებელი აღმასრულებელი კომიტეტის წევრი, ეკა ლეკაშვილი იქნება.

გია ჟორჟოლიანი სამი მოწვევის პარლამენტის დეპუტატია. 2012 და 2016 წლებში საკანონმდებლო ორგანოში ქართული ოცნების სიით მოხვდა.