რაკეტის მეცნიერება არ არის ადვილი. ჰკითხეთ ნებისმიერ ინჟინერს. რაკეტის მეცნიერება არ არის იაფი. ჰკითხეთ ნასას. საბედნიეროდ, ბოლო წლებში კომერციული კოსმოსური ფრენების კომპანიები მომრავლდა, რათა ეროვნულ კოსმოსურ სააგენტოებს კვლევების გაფართოებაში შეუწყონ ხელი.

ილონ მასკის SpaceX-მა და ჯეფ ბეზოსის Blue Origin-მა განსაკუთრებით ააჩქარა ხელახლა გამოყენებადი რაკეტების განვითარება. ამით მათ საოცრად შეამცირეს მკრთალი ლურჯი წერტილის დატოვების ხარჯები, რითაც კოსმოსის გამოკვლევის ჩვენი შესაძლებლობა გაამყარეს და მეცნიერებს საშუალება მისცეს, კვლევები დედამიწის მიღმა ჩაატარონ.

უფრო კონკრეტულად კი, 2012 წელს SpaceX პირველი კერძო კოსმოსური კომპანია გახდა, რომელმაც ტვირთი საერთაშორისო კოსმოსურ სადგურზე აიტანა. მანამდე ამ მონუმენტური საქმის გაკეთება მხოლოდ მსოფლიო მთავრობებს შეეძლოთ.

ამჟამად, კომპანია Crew Dragon-ზე - შემდეგი თაობის კოსმოსურ ზონდზე მუშაობს, რომელიც ადამიანებს საერთაშორისო კოსმოსურ სადგურზე გაიყვანს. ერთ დღეს SpaceX მარსზე დაჯდომასაც გეგმავს. მასკის თქმით, ადამიანები წითელ პლანეტაზე - სავარაუდოდ, საცხოვრებლად - შემდეგ ათწლეულში გადასახლდებიან.

საბოლოოდ, კერძო კოსმოსური ფრენის კომპანიებს ბევრად ადვილად გავყავართ კოსმოსში. ეს იმიტომ, რომ რაკეტების ხელახალი გამოყენება მნიშვნელოვნად ამცირებს გაშვების ხარჯს.

ამ ტექნოლოგიის წყალობით, ჩვენ აღარ მოგვიწევს თითოეული მისიისთვის სრულიად ახალი რაკეტის აგება. SpaceX-ის პრეზიდენტ გუაინ შოტველის თანახმად, ხელახალმა გამოყენებადობამ შეიძლება რაკეტების გაშვების ფასი 30%-ით შეამციროს.

მასკის აზრით, ასეთი რაკეტები უმთავრესია ეკონომიკურად სიცოცხლისუნარიანი კოსმოსური ინდუსტრიისთვის:

„სრულად ხელახლა გამოყენებადი ასეთი ტრანსპორტი არასდროს შექმნილა. ეს ნამდვილად არის ფუნდამენტური გარღვევა, რაც კოსმოსთან წვდომის რევოლუციისთვისაა საჭირო. თუ ჩვენ შევზლებთ რაკეტების მრავალჯერ გამოყენებას, ისევე როგორც ვიყენებთ თვითმფრინავს, კოსმოსთან წვდომის ღირებულება ასჯერ მაინც შემცირდება“.

Blue Origin-ის დამფუძნებელი ბეზოსი ასეთ ტექნოლოგიებს „სარაკეტო ტექნიკის გრაალის მარცვალს“ უწოდებს. ამ კომპანიის შექმნილი მრავალჯერადი რაკეტის New Shepard-ის პირველად დაჯდომის შემდეგ, ბეზოსმა დაწერა:

„მე მჯერა, რომ ეს არის კოსმოსური კვლევების ოქროს ხანა. პირველი ოქროს ხანა 60-იან წლებში იყო. ჩვენ სარაკეტო ტექნიკის ახალი ოქროს ხანის საზღვარზე ვართ. მჯერა, რომ ერთ დღეს ყველა რაკეტას ექნება დასაჯდომი საბურავები [თვითმფრინავების მსგავსად]“.

ზემოთ და გაღმა

გუშინ მასკმა გამოაცხადა, რომ SpaceX მთვარის გარშემო ორ ადამიანს გაგზავნის.

განცხადებაში ნათქვამია, რომ ორმა ადამიანმა „საკმაოდ დიდი თანხა გადაიხადა“, მთვარის მისიის შესრულებაში. SpaceX-ის თქმით, თავდაპირველი ტრენინგი, ჯანმრთელობისა და ფიტნესის ტესტებთან ერთად, ამ წლის მიწურულსაა დაგეგმილი.

საბოლოოდ, ეს იქნება პირველი პილოტირებული ფრენა მთვარეზე 45 წლის შემდეგ. SpaceX-მა სცადა, დაენახებინა ამ შრომის მნიშვნელობა: „აპოლოს ასტრონავტების მსგავსად, ეს ინდივიდები კოსმოსში იმოგზაურებენ და თან წაიღებენ მთელი კაცობრიობის ოცნებებსა და იმედებს, რომელსაც კვლევის უნივერსალური ადამიანური სული ამოძრავებს“.

SpaceX-ის განცხადება:

SpaceX გეგმავს, ორი კერძო პირი გაიყვანის მთვარის ორბიტაზე ამ წლის მიწურულს. მათ უკვე საკმაოდ დიდი თანხა გადაიხადეს მისიის შესასრულებლად... ჩვენ ვგეგმავთ, ამ წლის მიწურულს ჯანმრთელობისა და ფიტნესის ტესტები შევასრულოთ და ასევე დავიწყოთ საწყისი ტრენინგი. სხვა ფრენების გუნდმებმაც ასევე გამოხატეს საკმაოდ ძლიერი ინტერესი და სხვებსაც ველოდებით. დამატებითი ინფორმაცია ფრენის გუნდების შესახებ მალე გამოვლინდება.

რომ შევაჯამოთ, პირველ რიგში, ამ წელს, SpaceX Crew Dragon-ის ზონდის ISS-ზე ეკიპაჟის გარეშე გაშვებას გეგმავს, ხოლო შემდეგი მისია, რომელიც პილოტირებული იქნება 2018 წლის მეორე მეოთხედში გაფრინდება. აქედან კომპანია მთვარისკენ აიღებს გეზს - ეს იქნება მნიშვნელოვანი ნაბიჯი მათ საბოლოო მიზნამდე - რაც ადამიანების მარსზე გადაყვანაა.