ქართული ოცნების თავმჯდომარის, ირაკლი კობახიძის თქმით, კახა კალაძე დედაქალაქის საუკეთესო მერია.

"კახა კალაძე არის დედაქალაქის საუკეთესო მერი. რაც შეეხება კახა კალაძის კანდიდატურას, ეს მხოლოდ და მხოლოდ მასზეა დამოკიდებული, მის პოზიციაზეა დამოკიდებული", — განაცხადა კობახიძემ.

შემოდგომაზე თვითმმართველობის არჩევნები უნდა ჩატარდეს. ქართულ ოცნებას თბილისის მერობის კანდიდატი ჯერ არ დაუსახელებია, ოპოზიციაში უკვე საუბრობენ იმაზე, რომ ამ არჩევნებზე ისინი კვლავ გაერთიანებული სახით უნდა წარდგნენ. ზოგიერთი იმასაც აღნიშნავს, რომ თბილისის მერობის არჩევნებში ოპოზიციამ საერთო კანდიდატად ნაციონალური მოძრაობის ლიდერი, ნიკა მელია უნდა განიხილოს.